मेलबर्न । भारतलाई पराजित गर्दै अष्ट्रेलियाले विश्व टेस्ट च्याम्पियनसिपको उपाधि जितेको छ । आइतबार सम्पन्न फाइनल खेलमा भारतलाई २०९ रनले पराजित गर्दै अष्ट्रेलियाले उपाधि जितेको हो । अष्ट्रेलियाले दिएको ४४४ रनको लक्ष्य पछ्याएको भारत पाँचौँ दिनको पहिलो सेसनमा सबै विकेट गुमाएर २ सय ३४ रनमा समेटियो ।
भारतका विराट कोहलीले ७८ बलमा सात चौकासहित ४९ रन बनाउनुभयो । यस्तै, अजिंके राहाणेले १०८ बलमा ४६ रन बनाउनुभयो । कप्तान तथा ओपनर रोहित शर्माले ६० बलमा ४३ रन बनाउनुभयो । विकेटकिपर केएस भरतले ४१ बलमा २३ रन बनाउनुभयो । चेतेश्वर पुजारा ४७ बलमा पाँच चौकासहित २७ रनमा आउट हुनुभयो ।
अष्ट्रेलियाका लागि नाथन लायनले चार तथा स्कट बोल्याण्ड तीन विकेट लिनुभयो । मिचेल स्टार्कले दुई विकेट लिनुभयो । त्यसअघि अष्ट्रेलियाले चौथो दिनको दोस्रो इनिङ्समा २७० रन बनाउँदै आठ विकेट गुमाएर समाप्तिको इनिङ्समा घोषणा गरेपछि भारतले ४४४ रनको लक्ष्य पाएको थियो ।
दोस्रो इनिङ्समा अष्ट्रेलियाका विकेटकिपर एलेक्स केरीले १०५ बलमा आठ चौकासहित अविजित ६६ रन बनाउनुभयो । मिचेल स्टार्क ५७ बलमा सात चौकासहित ४१ रनमा आउट हुनुभयो । मार्नस लाबुसेन १२६ बलमा ४१ र क्यामरन ग्रिन २५ रनमा आउट हुनुभयो । भारतका रविन्द्र जडेजाले तीन तथा मोहम्मद शामी र उमेश यादवको नाममा समान दुई–दुई विकेट रहृयो ।
भारत पहिलो इनिङ्समा २९६ रनमा अलआउट भएको थियो । भारतका अजिंक्या राहाणेले १२९ बलमा ११ चौका र एक छक्कासहित ८९ रन बनाउनुभयो । शार्दुल ठाकुर १०९ बलमा ६ चौकासहित ५१ रनमा आउट हुनुभएको थियो । एजेन्सी ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच