काठमाडौं । विश्वकप छनोटको दोस्रो चरणको खेलमा नेपाल यमनसँग पराजित भएको छ । दशरथ रंगशालामा मंगलबार भएको खेलमा नेपाल यमनसँग २-० गोलअन्तरले पराजित भएको हो ।
घरेलु दर्शकहरुले भरिएको रंगशालामा नेपालले यमनलाई पहिलो हाफमा गोलरहित बराबरीमा रोकेपनि दोस्रो हाफमा भने नेपालले दुई गोल ब्यहोर्यो । खेलको ७२ औं मिनेटमा यमनका ओमर अब्दुल अल दाहीले निर्णायक गोल गर्नुभयो ।
यस्तै निर्धारित समयको अन्त्यमा मोहम्मद अब्दुल्लाह अल दाहीले दोस्रो गोल गर्दै यमनको जित सुनिश्चित गर्नुभयो ।
नेपालले खेलमा पाएका मौकाहरु भने सदुपयोग गर्न सकेन । खेलको तेस्रो मिनेटमा जिलेस्पी जंग कार्कीले बललाई पोस्टको दिशा दिनुभएको थियो । तर गोलरक्षकलाई फल गर्दा नेपालले अग्रता लिने अवसर गुमायो । ११ औं मिनेटमा दायाँ विंगबाट दिनेश हेम्जोन दिएको क्रसमा जिलेस्पीले हेडरमार्फत गोल गर्न सक्नुभएन ।
२९ औं मिनेटमा दिनेश ले बक्स बाहिरबाट गरेको प्रहार पोस्टमाथिबाट बाहिरियो । ३२औं मिनेटमा यमनका अहमद महेरको प्रहार पनि पोस्टको माथि बाट बाहिरियो । छनोट दोस्रो चरणको पहिलो खेलमा नेपालले युएई विरुद्ध ४-० को हार बेहोरेको थियो । यसअघि नेपालले यूएईसँग ४-० को हार बेहोरेको थियो ।
प्रशिक्षक भिन्सेन्जो अल्बर्टो अनेसेले टोलीमा पछिल्लो खेलबाट ३ परिवर्तन गर्नुभएको थियो । चोटका कारण पछिल्लो खेल गुमाएका अनन्त तामाङ र दिनेश हेन्जनसँगै एरिक विष्ट सुरुवाती रोजाइमा आउनुभएको थियो । पछिल्लो खेल सुरुवात गरेका छिरिङ गुरुङ र मनिष डाँगी बेन्चमा रहनुभएको थियो ।
यसैखेल मार्फत फरवार्ड राजेश परियारले नेपाली राष्ट्रिय फुटबल टोलीबाट डेब्यु गर्नुभयो । उहाँले ७९ औं मिनेटमा अन्जन विष्टको स्थान लिनुभएको थियषे । उहाँले गत सिजन फ्रेन्ड्स क्लबबाट ए डिभिजन लिग खेल्नुभएको थियो । एनएसएलका लागि चितवनमा अनुबन्धित उहाँ पहिलो पटक राष्ट्रिय टोलीमा पर्नुभएको थियो । उहाँ सन् २०१९ मा १३ औं दक्षिण एसियाली खेलकुदमा स्वर्ण पदक जित्दा टोलीका सदस्य समेत हुनुहुन्थ्यो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच