काठमाडौं । नेपाली क्रिकेट टोलीका कप्तान रोहितकुमार पौडेलले नामिबियाविरुद्ध शीर्ष क्रमका ४/५ ब्याटरले जिम्मेवारीपूर्वक ब्याटिङ गर्न नसकेको बताउनुभएको छ ।
आइसिसी विश्वकप लिग–२ (२०२४–०२७) को पहिलो खेलमा नामिबियासँग हार पछिको पत्रकार सम्मेलनमा कप्तान रोहितले शिर्ष क्रमका ब्याटरले जिम्मेवारीपूर्वक ब्याटिङ गर्न नसकेको बताउनु भयो । उहाँले करिब ४५ मिनेट जति आफ्ना ब्याटरले धैर्यता राखेको भएपनि अवस्था फरक हुने उल्लेख गर्दै नामिबियाका बलरको पनि बलिङ तारिफयोग्य रहेको बताउनु भयो ।
नामिबियाका बलरले पिचको कन्डिसनलाई राम्रोसँग प्रयोग गरेकाले सफलता पाएको रोहितको भनाइ छ । कप्तान रोहितले विशेषत रुबेन ट्रम्पलमेन र डेब्युटेन्ट ज्याक ब्रसेलले राम्रो क्षेत्रमा कन्डिसनअनुसार बलिङ गरेको गरेको बताउनु भयो ।
बलिङ राम्रो गरेपछि कन्डिसनमा पनि साथ पाएको रोहितले बताउनु भयो । उहाँले तल्लो क्रमसम्म आफ्ना ब्याटर रहे पनि ब्याटिङ युनिटले पाएका अवसरलाई सदुपयोग गर्न नसकिएको धारणा राखे । राम्रो साझेदारी बनेपछि पनि त्यसलाई राम्रो स्थितिमा पनि पु¥याउन नसक्नुले पनि ब्याटिङमा समस्या बनेको उल्लेख गर्नुभयो ।
एकदिवसीय क्रिकेटमा शीर्ष ४/५ ब्याटर महत्वपूर्ण रहने भएकाले उनीहरू छिटै पभेलियन फर्किंदा समस्या भएको बताए । नेपालका प्रशिक्षक मोन्टी देसाईले यो हारलाई अवसरका रूपमा लिएर लिनुपर्ने उल्लेख गर्दै शुरुमा दबाब झेल्न नसक्दा समस्या भएको बताउनु भयो ।
उहाँले खेलको अवस्था र पिच कन्डिसनलाई खेलाडीले राम्रोसँग बुझ्न नसकेको पनि धारणा राखे । त्यस कारण पनि शुरुमा नै खेलमा पछि परेको उनको बुझाइ छ । आजको खेल कन्डिसन पनि चुनौतीपूर्ण रहेको र त्यसलाई खेलाडीले बुझ्न नसकेको बताए । यद्यपि, यसबारे अब टोलीले काम गर्ने योजना पनि सुनाउनु भयो ।
उहाँले भीम सार्की र कुशल मल्लको साझेदारी भने महत्वपूर्ण रहेको बताउनु भयो । नामिबियाविरुद्ध २३०/२४० रनको योगफल भए त्यो पर्याप्त रहन सक्ने उल्लेख गरे । यो फरम्याटमा कहिलेकाहि तल माथि हुने र तर परिपक्वता देखाउनु नै महत्वपूर्ण रहने धारणा राख्नुभयो ।
नामिबियाका कप्तान जेरार्ड इरास्मसले नेपालविरुद्ध राम्रो क्रिकेट खेल्न सकिएको उल्लेख गर्दै टस जित्नु पनि आफूहरूका लागि केही फाइदा मिलेको बताउनु भयो । नेपाललाई एक सय ३२ रनमा रोक्नु नै सबैभन्दा ठूलो सफलता रहेको धारणा राख्नुभयो । आफूहरूले नेपालका हरेक खेलाडीका लागि छुट्टै रणनीति बनाएर बलिङ नगरेको उल्लेख गर्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच