काठमाडौं । नेपाल विद्युत् प्राधिकरणले पोल भाडा बक्यौता रकम भुक्तानी गर्न सेवा प्रदायक कम्पनीलाई अल्टिमेटम दिएको छ । प्राधिकरणले बुधबार सूचना जारी गर्दै विद्युतीय संरचना प्रयोग गरी अप्टिकल फाइबर भाडामा लिई टेलिफोन/इन्टरनेट/केवल टिभी सेवा सञ्चालक कम्पनीलाई बक्यौता रकम भुक्तानीका लागि ताकेता गरेको हो ।
प्राधिकरणले बक्यौता रकम भुक्तानीका लागि वैशाखसम्मको समय दिँदै उक्त समयभित्र नियमानुसार सम्झौता गर्न, नवीकरण गर्न एवं हालसम्मको बाँकी बक्यौता रकम भुक्तानी गर्न आग्रह गरेको छ । अन्यथा तार काट्ने चेतावनीसमेत दिएको छ ।
केही सेवा प्रदायकले आंशिक क्षेत्रको मात्र पोल भाडा सम्झौता गरेको तथा केही सेवा प्रदायकले सम्झौता नै नगरी विद्युतीय संरचना प्रयोग गरिरहेको भन्दै प्राधिकरणले नयाँ सम्झौता नभएसम्म नयाँ लाइन विस्तार कार्य नगर्न तथा नगराउनसमेत सचेत गराएको छ ।
प्राधिकरणले यसअघि पनि पटक–पटक सार्वजनिक सूचनामार्फत् सेवा प्रदायकलाई पोल भाडा भुक्तानी तथा नवीकरणका लागि आउन आग्रह गर्दै आएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच