युगान्डासँग महिला टोलीको क्रिकेट शृंखला

२९ बैशाख २०७९, बिहिबार ०५:०८

Read Time = 1 min

खेलकुद

A A- A+

काठमाडौं । नेपाली राष्ट्रिय महिला क्रिकेट टोलीले अफ्रिकी देश युगान्डासँग पाँच खेलको टी–२० शृंखला खेल्ने भएको छ । नेपाली महिला क्रिकेटको इतिहासमै पहिलोपल्ट टी-२० शृंखला खेल्न लागेको हो ।

नेपाल क्रिकेट संघ क्यानले बुधबार युगान्डासँगको अन्तर्राष्ट्रिय शृंखलाका लागि मिति सार्वजनिक गरेको छ । शृंखलाका सबै खेलहरू त्रिवि क्रिकेट मैदान कीर्तिपुरमा हुनेछ । एसिया कप छनोटको तयारीका लागि नेपाली खेलाडीलाई उक्त शृंखला खेल्ने व्यवस्थापन क्यानले मिलाएको हो ।

नेपालले शृंखलाको पहिलो खेल असार २ गते खेल्ने तालिका रहेको छ । त्यसबाहेक असार ३, ५, ६ र ७ गते शृंखलाका अन्य खेलहरू हुनेछन् ।

यो खबर पढेर तपाईलाई कस्तो महसुस भयो ?