सर्लाहीमा ३६ वटा वडा गणना सकियो, १५ वडामा जित निकाल्दै काँग्रेस पहिलो

Read Time = 4 mins
A A- A+

सर्लाही । सर्लाहीको ३७ वटा वडाको अन्तिम मतपरिणाम सार्वजनिक भएको छ । जसमध्ये १५ वटा वडामा विजयी हुँदै नेपाली काँग्रेस पहिलो पार्टी बनेको छ ।

काँग्रेस जिल्लाको लालबन्दी नगरपालिकाको वडा नं ३ र ४, हरिवन नगरपालिकाको वडा नं १, २ र ४, हरिपूर्वा नगरपालिकाको वडा नं १ र ४, धनकौल गाउँपालिकाको वडा नं १ र २ मा बिजयी भएको छ ।

यस्तै, पर्सा गाउँपालिकाको वडा नं १, ब्रह्मपुरी गाउँपालिकाको वडा नं ६, मलङ्गवा नगरपालिकाको वडा नं  १, बलरा नगरपालिकाको वडा नं १, चन्द्रनगर गाउँपालिकाको वडा नं  १ र रामनगर गाउँपालिकाको वडा नं ६ मा नेपाली काँग्रेसका उम्मेदवार वडाध्यक्षमा निर्वाचित भएका छन् । जिल्लामा नौवटा वडामा जित हाँसिल गर्दै नेकपा माओवादी केन्द्र भने दोस्रो स्थानमा रहेको छ ।

माओवादी केन्द्रले बागमती नगरपालिकाको वडा नं १ र २, बलरा नगरपालिकाको वडा नं  १० र ११, चक्रघट्टा गाउँपालिकाको वडा नं  १, रामनगर गाउँपालिकाको वडा नं  १, हरिपुर नगरपालिकाको वडा नं १ र वडा नं ३ र गोडैता नगरपालिकाको वडा नं १ मा बिजयी प्राप्त गरेको छ ।

त्यसैगरी, सर्लाहीमा नेकपा एमालेले पाँचवटा वडामा जित निकालेर तेस्रो स्थानमा छ । उसले हरिवन नगरपालिका वडा नं ३, हरिपुर नगरपालिका वडा नं २, ईश्वरपुर नगरपालिका वडा नं १, मलङ्गवा नगरपालिका वडा नं २ र धनकौल गाउँपालिका वडा नं ३ मा जित निकालेको छ । नेकपा एकीकृत समाजवादी र जनता समाजवादी पार्टी जसपाले समान तीन/तीन वटा वडामा बिजयी प्राप्त गरेका छन् । एकीकृत समाजवादीले हरिपुर नगरपालिका वडा नं ८ र ९ तथा पर्सा गाउँपालिका वडा नं २ र जसपाले हरिपूर्वा नगरपालिका वडा नं ३, विष्णु गाउँपालिका वडा नं ८ र बसबरिया गाउँपालिका वडा नं  १ मा जित निकालेको छ । लोकतान्त्रिक समाजवादी पार्टी लोसपाले भने गोडैता नगरपालिका वडा नं  १२ र विष्णु गाउँपालिकाको वडा नं १ गरी दुईवटा वडामा बिजयी प्राप्त गरेको छ । देशभरमै सबैभन्दा बढी स्थानीय तह रहेको सर्लाहीमा १९ वटा पालिकाको मतगणना जारी छ ।

बरहथवा नगरपालिकामा भने मतगणना सुरु हुन सकेको छैन् । निर्वाचन आयोगले बरहथवा नगरपालिकाको वडा नं १७ मा पुनः मतदान गर्न निर्देशन दिएको छ । पर्सी मतदान भएपछि मात्रै मतगणना सुरु गरिने निर्वाचन अधिकृतको कार्यालय बरहथवाले जनाएको छ । बरहथवामा पर्सी पुनः मतदान गर्ने आज बसेको सर्बदलिय बैठकले निर्णय गरेको निर्वाचन अधिकृत दशरथ पंगेनीले बताउनुभयो ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?