काठमाडौं । देशभर स्थानीय तहको निर्वाचनको मतपरिणाम आइरहदा वडा सदस्यका उम्मेदवार कलाकार किशोर भण्डारी विजयी हुनुभएको छ । दर्शकमाझ ‘डिठ्ठा’साब’ नामले लोकप्रिय हास्य कलाकार तथा निर्देशक भण्डारीले नेपाली कांग्रेसका तर्फबाट तारकेश्वर नगरपालिका–२ मा वडा सदस्यका लागि उम्मेदवारी दिनुभएको थियो ।
भण्डारीले अत्यधिक बहुमतका साथ विजयी भएको बताउनुभएको छ । भण्डारीका अनुसार उहाँको वडामा खसेको २५ सय मतमध्ये उहाँले ११ सयभन्दा बढी मत पाउनुभएको थियो ।
विभिन्न टेलिशृंखला, नाटक, फिल्म तथा विज्ञापनमा अभिनय गर्नु भएका कलाकार भण्डारीलाई कान्तिपुर टेलिभिजनबाट प्रसारित हाँस्य शृंखला ‘डिठ्ठा साब’मार्फत दर्शकमाझ लोकप्रिय भएका कलाकार हुनुहुन्छ । भण्डारी पछिल्लो समय ‘हर्के हवल्दार’मा अभिनय गरिरहनु भएको छ । भण्डारीले नेपाली चलचित्र चंगा निर्देशन गरिसक्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच