पोखरा । पोखरामा नेशनल फाइन आर्ट प्रदर्शनी सुरु भएको छ । शुक्रबारदेखि सुरु भएको प्रदर्शनी जेठ १५ सम्म चल्ने आयोजक नगेन आर्ट एकेडेमीले जनाएको छ । प्रदर्शनीमा सात प्रदेशका १३ जिल्लाका ४९ कलाकारका ९९ कलाकृति समावेश छन् ।
पोखरा महानगर वडा नम्बर-४ का नवनिर्वाचित वडाध्यक्ष देवकृष्ण पराजुलीले राजधानी बाहिर केही गर्ने उद्देश्यले खोलिएको नगेन आर्ट एकेडेमीको सफलताको कामना गर्दै पोखरामा कला विकासका कार्यहरू गर्ने साथै पोखरा महानगरका सामुदायिक विद्यालयहरूमा कला शिक्षालाई जोड दिने बताउनुभएको छ ।
कलाकारलाई राष्ट्रका गहना मात्र होइनन् अभिन्न अंगका रुपमा घोषणा गर्नुपर्ने माग राख्दै प्रत्येक सरकारी स्कुलमा कला शिक्षा र प्रत्येक नगरपालिका तथा गाउँपालिकामा कला विभाग हुनुपर्ने नेपाल ललितकला एकेडेमीका प्राज्ञ तथा पूर्वसभासद नगेन सिंहले बताउनुभयो ।
नगेन न्यूज पब्लिकेशन प्रालिका अध्यक्ष ज्योति हमालले राज्यले कला तथा कलाकारको सम्मान गर्न नसकेका कारण नेपालबाट कलाकार पलायन हुने अवस्था आएको बताउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच