-पार्थ मण्डल
झापा । दोस्रो चरणको स्थानीय तह सदस्य निर्वाचनमा उम्मेदवारी दिएकामध्ये झापा जिल्लामा ९६१ जना उम्मेदवारको धरौटी अर्थात् जमाना जफत भएको निर्वाचन कार्यालय झापाले जनाएको छ ।
जिल्लाका १५ स्थानीय तहमा प्रमुख/अध्यक्ष, उपप्रमुख/उपाध्यक्ष, वडा अध्यक्ष र सदस्य गरी २ हजार ७८६ जनाले उम्मेदवारी दिएका थिए । त्यसमध्ये ३४ प्रतिशत उम्मेदवारको धरौटी अर्थात् जमाना जफत भएको हो ।
प्रमुख/अध्यक्षमा ८३, उपप्रमुख/उपाध्यक्षमा ५७, वडाध्यक्षमा २९१ जना र महिला, दलित, खुल्ला सदस्य गरी ५३० जनाको धरौटी रकम जफत भएको जिल्ला निर्वाचन कार्यालय झापाका सूचना अधिकारी प्रकाश न्यौपाने जानकारी दिनुभयो ।
नगरपालिकातर्फ अर्जुनधारामा एक प्रमुख र दुई उपप्रमुख गरी ४४ जना, भद्रपुरमा ५ प्रमुख र ४ उपप्रमुख गरी ८९ जना, मेचीनगरमा ७ प्रमुख र ५ उपप्रमुख गरी १३२ जना, बिर्तामोडमा ७ प्रमुख र ६ उपप्रमुख गरी ६० जना, शिवसताक्षीमा ७ प्रमुख र ३ उपप्रमुख गरी ९३ जना, दमकमा १४ प्रमुख र ६ उपप्रमुख गरी ८० जना, कनकाईमा ४ प्रमुख र ५ उपप्रमुख गरी ७२ जना, गौरादहमा ८ प्रमुख र ५ उपप्रमुख गरी ६६ जनाको धरौटी जफत भएको छ ।
त्यस्तै गाउँपालिकातर्फ कचनकवलमा ६ अध्यक्ष र ३ उपाध्यक्ष गरी ६३ जना, कमलमा ५ अध्यक्ष र ६ उपाध्यक्ष गरी ५२ जना, गौरीगञ्जमा ४ अध्यक्ष र ४ उपाध्यक्ष गरी ७० जना, झापामा ५ अध्यक्ष र २ उपाध्यक्ष गरी ५४ जना, बाह्रदशीमा ६ अध्यक्ष र २ उपाध्यक्ष गरी २४ जना, बुद्धशान्तिमा ३ अध्यक्ष र ३ उपाध्यक्ष गरी ४० जना, हल्दिबारीमा एक अध्यक्ष र एक उपाध्यक्ष गरी २२ जनाको धरौटी जफत भएको छ ।
पालिका र वडा तहमा खसेको मतभन्दा उम्मेदवारले १० प्रतिशत भन्दा कम मत ल्याउनेको धरौटी जफत हुने निर्वाचन आयोगको निर्देशिकामा उल्लेख छ । सो निर्देशिका बमोजिम १० प्रतिशत भन्दा कम मत ल्याउनेको धरौटी रकम जफत भएको हो ।
प्रमुख/अध्यक्ष पदको उम्मेदवारको हकमा १ हजार ५ सय, उपप्रमुख/उपाध्यक्षको हकमा १ हजार ५ सय, वडाध्यक्षको हकमा एक हजार, खुला सदस्यको हकमा ५ सय, महिला र दलित महिलाको हकमा २५० रुपैयाँको दरले उम्मेदवारी दर्ता गराउँदा धरौटी रकम लिएको मुख्य निर्वाचन अधिकृतको कार्यालयका सूचना अधिकारी गणेश पाण्डेले जानकारी दिनुभयो ।
महिलालाई विशेष प्राथमिकता दिएकोले प्रमुख वा उपप्रमुख महिला उम्मेदवार भएको अवस्थामा ७ सय ५० रुपैयाँ लिएको उहाँले बताउनु भयो । १० प्रतिशत भन्दा कम ल्याउने सबै उम्मेदवारको धरौटी कम जफत भएको उहाँको भनाइ छ ।
धरौटी रकम जफत हुने उम्मेदवारहरूमा नेकपा (माओवादी केन्द्र), राप्रपा, जसपा, लोसपा, एकीकृत समाजवादी, विवेकशील पार्टी, मौलिक जरोकिलो पार्टी, उन्नत लोकतन्त्र पार्टी, संघीय लोकतान्त्रिक राष्ट्रिय मञ्च, मंगोल नेशनल अर्गनाइजेशन, जनमत पार्टी र स्वतन्त्र रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच