गोविन्द बीसी/टीकापुर
पूर्वपश्चिम राजमार्गअन्तर्गत कैलालीको चिसापानीमा एक ट्रकमा आगजनी भएको छ । प्रहरीका अनुसार आइतबार राति साढे ११ बजेको समयमा लम्कीचुहा नगरपालिका–३ चिसापानीस्थित कर्णाली पुलमा ना ७ ख ६३२५ नम्बरको ट्रकमा आगजनी भएको हो ।
चालक चुरे गाउँपालिका–३ सुनारीका ३५ वर्षीय रमेश शाह आफैले पुलको बीच भागमा ट्रकलाई तेर्साएर टायरमा पेट्रोलजन्य पदार्थ प्रयोग गरि आगो लगाएको जिल्ला प्रहरी कार्यालय कैलालीले जनाएको छ । आगो तत्कालै नियन्त्रणमा लिइएको र टायरहरुमा क्षति पुगेको बताइएको छ ।
जिल्ला प्रहरी कार्यालय कैलालीका प्रहरी नायव उपरीक्षक (डीएपी) वेदप्रकाश जोशीका अनुसार चालक शाहलाई ट्रकमा आगो लगाई सोही पुलमुनी लुकीछिपी बसिरहेको अवस्थामा फेला पारी नियन्त्रणमा लिइएको बताउनुभयो । शाहलाई पक्राउ गरि आवश्यक कारबाहीका लागि ईलाका प्रहरी कार्यालय लम्की पठाइएको उहाँले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच