काठमाडौं । काठमाडौँको गोकर्णेश्वर नगरपालिका-५ जोरपाटी चोकनजिक निस्किएको ‘मिथेन ग्यास’ रोकिएको छ । देवीमार्गका स्थानीय सन्तवीर लामाको घरमा खानेपानीको लागि बोरिङ खन्ने क्रममा निस्किएको ग्यास करिब १७ घण्टापछि आउन बन्द भएको हो ।
मंगलबार बिहान करिब साढे १० बजेदेखि निस्किएको लेदो माटो र ग्यास आज बिहान करिब साढे ३ बजेदेखि निस्कन बन्द भएको बताइएको छ । जमिनमुनि करिब ३०० फिट बोरिङ खनेपछि मिथेन निस्केको थियो ।
रातिसम्म मुस्लो निस्कने क्रम नरोकिएपछि नेपाली सेनाको टोलीले त्यस क्षेत्र आसपासका ५० मिटर नियन्त्रणमा लिएर प्रवेश निषेध गरेको थियो ।
ग्यास निस्किएको क्षेत्रमा रातभर श्री नं १ विपद् व्यवस्थापन गण सुन्दरीजलका सेनाहरूले सुरक्षा दिएका थिए । तत्काल आगलागी हुनसक्ने सम्भावनालाई ध्यानमा राखी २ वटा दमकल तयारी अवस्थामा राखिएको थियो । घटनाबाट कुनै मानवीय तथा भौतिक क्षति भने भएको छैन ।
खानी तथा भूगर्भ विभागकाअनुसार उपत्यकाको जमिनमुनि प्रचुर मात्रामा मिथेन ग्यास रहेको र ३०० फिटको हाराहारीमा ड्रिल गर्दा उक्त ग्यास बाहिर निस्कने गरेको हो ।
विभागका अनुसार काठमाडौँ उपत्यकामा निस्किने सबैतिरको ग्यास मिथेन ग्यास नै हो । मिथेन ग्यासलाई खाना पकाउने काममा प्रयोग गर्न सकिन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच