-विवेक खड्का
दाङ । दाङ टरिगाउँ एयरपोर्टबाट विमानमा इन्धन भर्नका लागि ल्याइएको बाउजर फिर्ता लैजान थालेपछि तुलसीपुर उपमहागनरपालिकाले ताला लगाएको छ ।
उपमेयर श्यानी चौधरीको नेतृत्वमा गएको उद्योगी ब्यबसायी र जनप्रतिनिधिको टोलीले टरिगाउँ एयरपोर्टमा रहेको बाउजर ट्याङकर र इन्धन ट्याङ्की राखेको गेटमा बाहिरबाट ताला लगाइएको हो ।
आइतबार बाउजर मेसिन फिर्ता लैजान थालेको कुरा सार्वजनिक भएपछि उपमेयर चौधरी, तुलसीपुर – १२ का वडाध्यक्ष खुसीराम चौधरी, तुलसीपुर उद्योग बाणिज्य संघका अध्यक्ष रामप्रशाद चालिसे, महासचिव विनिल केसी लगाएतको टोली टरिगाउँ एयरपोर्टमा पुगेको थियो । जहाजमा तेल भर्न जेठ १२ गते ११ हजार लिटरको वाउजर दाङ ल्याइएको थियो ।
त्यसक्रममा उपमेयर चौधरीले कुनैपनि हालतमा बाउजर मेसिन फिर्ता जान नदिने र त्यस्तो स्थिति उत्पन्न भएका बाटोमै सुत्ने बताउनुभएको थियो । २०११ सालमा स्थापना भएको टरिगाउँ एयरपोर्टमा पहिलो पटक गत जेठ महिनामा बिमानमा इन्धन भर्न प्रयोग हुने बाउजर दाङ एयरपोर्टमा ल्याइएको थियो । त्यही बाउजरपनि फिर्ता लैजान थालेपछि सर्वसाधारणदेखि स्थानीय जनप्रतिनिधि , ब्यवसायी सबै विरोधमा उत्रिएका छन् ।
यसैगरी तुलसीपुर उद्योग वाणिज्य संघले हवाई इन्धन डिपो कार्यालय दाङ तुलसीपुरका प्रमुख बिपिन श्रेष्ठलाई ज्ञान पत्र बुझाएको छ । बाउजर मेसिन फिर्ता लैजाने निर्णयको बिरोधमा वाणिज्य संघका पदाधिकारीले प्रमुख श्रेष्ठलाई ज्ञापन पत्र बुझाएका हुन ।
अध्यक्ष रामप्रशाद चालिसे र महासचिव विनिल केसी लगायतले टरिगाउँ एयरपोर्ट परिसरमै प्रमुख श्रेष्ठलाई ज्ञापन पत्र बुझाउनु भएकाे हाे ।
युवा जनशक्ति निर्यात गर्ने देश
बिक्रीमा विद्यावारिधि ?
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
प्राकृतिक चिकित्सालय र योग चौतारीबीच
हिमालय टाइम्स र नियमित लेखनका