सशस्त्र फौजको संख्या १० प्रतिशत बढाउन रुसी राष्ट्रपति पुटिनको आदेश

हिमालय टाइम्स

१० भाद्र २०७९, शुक्रबार ०७:३९

Read Time = 2 mins

विदेश

A A- A+

मस्को । रुसी राष्ट्रपति भ्लादिमिर पुटिनले आगामी केही महिनामा मुलुकमा सशस्त्र फौजको संख्या थप्ने आदेशपत्रमा हस्ताक्षर गरेका छन् । उक्त हस्ताक्षर पत्रको अनुसार अब रुसी सेनामा १ लाख ३७ हजार नयाँ सैनिक भर्ति गरिने भएको छ ।

यो रुसी सेनाको अहिलेको संख्याको १० प्रतिशत जति हो । अहिले रुससँग १० लाख भन्दा केही बढी सेना र नौ लाख निजामती कर्मचारी छन् ।

मुलुकभरि ठूलो परिमाणमा नगद प्रोत्साहनसहित सैनिक भर्ति अभियान चलिरहेको बेला पुटिनको यो घोषणापत्र सार्वजनिक भएको हो ।

पश्चिमी अधिकारीहरूले छ महिना अघि रुसले युक्रेनमाथि आक्रमण गरेयता ७० देखि ८० हजार रुसी फौज मारिएको वा घाइते भएको बताउँछन् ।

रुसी सेनामा भर्ति लिनका लागि अधिकारीहरूले कारागारमा गएर कैदीहरूलाई सेनामा प्रवेश गरेको खण्डमा कैद मिनाहाका साथै पैसा पनि दिने प्रलोभन देखाइरहेको खबरहरू पनि बाहिरिएका छन् ।

दुई साताअघि बेलायती रक्षा मन्त्रालयले रुसका थुपै्र क्षेत्रमा स्वयंसेवक बटालियन खडा भइरहेको र त्यसबाट पनि नयाँ फौज तयार गरिने जनाएको थियो । एजेन्सी

यो खबर पढेर तपाईलाई कस्तो महसुस भयो ?