काठमाडौं । बुढानीलकण्ठस्थित भ्याली पब्लिक माध्यमिक विद्यालय र काठमाडौं विश्वविद्यालय (केयु)बीच सम्झौता भएको छ । आमअभिभावकको शैक्षिक परिवर्तनको चाहना तथा विज्ञान र विकास द्रुतगतिमा अघि बढिरहेको अवस्थामा शैक्षिक सुधारको चाहनालाई आत्मसात गर्दै विद्यालय तथा विद्यार्र्थीको शैक्षिक गुणस्तर विकासका लागि केयुसँग सम्झौता भएको विद्यालयले जनाएको छ ।
सम्झौताअनुसार केयुसँगको सहकार्यमा शिक्षकको पेशागत विकासका साथै पुस्तकालय विकास कोषसँग विद्यालयको पुस्तकालयमा करिब एक लाख ६० हजार संख्यामा भौतिक तथा विद्युतीय माध्यमका पुस्तक उपलब्ध गराई विद्यार्थीको पढ्ने, खोजी गर्ने, बुझ्ने र विश्लेषण गर्नेलगायत सीप विकास गरिने विद्यालयले जनाएको छ । त्यसैगरी आइएसओसँग शैक्षिक गुणस्तर विश्लेषण, तालिम, पत्राचार तथा कागजात तयारी कार्यक्रम प्रायोजन तथा प्रमाणीकरण प्रक्रियासमेत सञ्चालन हुनेछन् ।
२०५० सालमा स्थापना भएको बुढानीलकण्ठ नगरपालिका–८ स्थित उक्त विद्यालय आफ्नै १५ रोपनीमा रहेको छ । विद्यालयमा ४८ भौतिक सत्र र ४८ विद्युतीय सत्र सञ्चालन हुने बताइएको छ । शनिबार आयोजित उक्त कार्यक्रममा नेपाली कांग्रेसका नेता तथा सांसद गगन थापाको पनि उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच