धनगढी । कैलालीका प्रमुख जिल्ला अधिकारी किरण थापाले सीमास्तम्भको अनुगमन गर्नुभएको छ । प्रमुख जिल्ला अधिकारी सहितको समूहले जिल्लाको भजनी, कालाकुण्डा र खक्रौलास्थित सीमास्तम्भको अनुगमन गरेको हो ।
नेपाल-भारत सीमाअन्तर्गत कैलालीमा पर्ने ११ वटा सीमास्तम्भ मर्मत गर्नुपर्ने छ । जसमध्ये चार वटा सीमास्तम्भ मर्मतको काम नेपालको भागमा परेको जिल्ला प्रशासन कार्यालय कैलालीले जनाएको छ ।
जिल्ला प्रशासन कार्यालयका सूचना अधिकारी शिवराज जोशीका अनुसार सात वटा सीमास्तम्भ भारतले मर्मत गर्नेछ । नेपालले मर्मत गर्नुपर्ने सीमास्तम्भको अवस्था के–कस्तो छ भन्ने बारे बुझ्नका लागि अनुगमन गरिएको उहाँले बताउनुभयो ।
जिल्लाको खक्रोला भन्सारमा राजश्व चुहावट नियनत्रणको बैठक समेत भएको प्रमुख जिल्ला अधिकारी थापाले बताउनुभयो । खक्रौला भन्सार कार्यालयका प्रमुख विमलकुमार शाह नै तस्करीमा लागेको आरोपपछि प्रमुख जिल्ला अधिकारी थापा खक्रौला पुग्नुभएको हो । तर शाह फरार रहेका प्रमुख जिल्ला अधिकारी थापाले बताउनुभयो । उनीसँग फोन सम्पर्क समेत भएको छैन ।
प्रमुख जिल्ला अधिकारी थापाको समूहले हुलाकी राजमार्ग निर्माण गर्ने कार्यमा भएका अवरोधहरू सल्टाउनका लागि पनि छलफल गरेको छ । हुलाकी राजमार्ग आयोजनाको कार्यालयले अवरोध रहेको गुनासो गरेपछि सो समस्या समाधानका लागि अनुगमनसहित छलफल गरिएको हो ।
यस्तै जिल्लाको घोडाघोडी नगरपालिकाका मृतक जीतबहादुर डङ्गौराका परिवारलाई राहत स्वरुप दुई लाख रुपियाँ पनि वितरण गरेको छ । आगलागीबाट डङ्गौराको मृत्यु भए पनि उहाँका परिवार राहत पाउनबाट छुटेका थिए । छुटेको परिवारलाई राहत रकम दिइएको छ । मृतककी श्रीमती चरनदेवी डङ्गौरा थारुलाई राहत रकम हस्तान्तरण गरिएको जिल्ला प्रशासन कार्यालय कैलालीले बताएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच