काठमाडौं । नेपाली कांग्रेसका प्रवक्ता डा. प्रकाशशरण महतले अहिलेको गठबन्धन सरकार स्वाभाविक नभएको दाबी गर्नुभएको छ ।
बुधबार पार्टी कार्यालय सानेपामा पत्रकार सम्मेलनमा बोल्दै उहाँले प्रचण्ड नेतृत्वको सरकार विरोधाभासपूर्ण भएको बताउँदै वर्तमान सरकारलाई बाहिरबाट हेरिरहेको उहाँले बताउनु भयो ।
आफ्नो गुणलाई गौण राखेर पदको लागि प्रतिस्पर्धा रहेको उहाँले बताउनु भयो । उहाँले गठबन्धनको स्वरुपमा आशंका रहेको उल्लेख गर्दै कांग्रेस सशक्त प्रतिपक्षी बन्ने बताउनु भयो ।
डा महतले गठबन्धन टुटेर केही निराशा देखिएपनि अहिलेको चुनौतीलाई अवसरमा परिणत गर्ने पनि बताउनु भयो । उहाँले प्रचण्डले गठबन्धन छाडेर जानुमा कांग्रेसको कुनै दोष नभएको प्रष्टीकरण दिनुभयो ।
महतले भन्नुभयो, ‘प्रचण्डजीले गठबन्धन छाडेर जानुभयो । उहाँ आफ्नो प्रतिबद्धताविपरीत किन गठबन्धन छाडेर जानुभयो भन्नेबारे विश्लेषण हुँदै जालान् । तर गठबन्धन टुट्नुमा कांग्रेस दोषी छैन । ’
उहाँले यो गठबन्धन सरकारको आयु लामो नभएको पनि बताउनु भयो । उहाँले भन्नुभयो, ‘गठबन्धनका दलहरुमा कसले ठूलो जिम्मेवारी पाउने भन्ने विषयमा प्रतिस्पर्धा चलेको छ यो गठबन्धन आफ्नै बोझबाट थिचिएको छ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच