मड्रिड । भ्यालेन्सियालाई टाइब्रेकरमा पराजित गर्दै साबिक विजेता रियल मड्रिड स्पेनिस सुपर कपको फाइनलमा प्रवेश गरेको छ । रियलले भ्यालेन्सियालाई टाइब्रेकरमा चार-तीनले पराजित गर्दै फाइनलमा स्थान बनाएको हो । निर्धारित समयमा एक-एकको बराबरीमा सकिएपछि खेल टाइब्रेकरमा पुगेको थियो । टाइब्रेकरमा रियलका कप्तान करिम बेन्जेमा, लुका मोड्रिच, टोनी क्रुस र मार्काे एसेन्सियाले गोल गर्नुभयो ।
भ्यालेन्सियाका इडिन्सन काभानी, इलेक्स मोरिवा र हृयुगो गुइलामोनले गोल गर्नुभयो । इरे कमर्ट र जोश गायाले गोल गर्न सक्नुभएन ।
त्यसअघि खेलको ३९औँ मिनेटमा कप्तान बेन्जेमाकै पेनाल्टी गोलबाट रियलले अग्रता लिएको थियो ।
दोस्रो हाफको सुरुमै गोल गर्दै भ्यालेन्सिया खेलमा फर्कियो । ४६औँ मिनेटमा स्यामुइल डियास लिनोले टोनी लाटोको पासमा गोल गर्दै खेललाई एक-एक गोलको बराबरीमा ल्याउनुभयो ।
अब रियलले उपाधिका लागि बार्सिलोना र रियल बेटिसबीचको विजेतासँग आइतबार राती प्रतिस्पर्धा गर्नेछ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच