-मानबहादुर वली
सुर्खेत । सुर्खेतमा रहेको प्रदेश अस्पतालले मिर्गौला प्रत्यारोपण सेवा सुरु गर्ने भएको छ ।
कर्णाली प्रदेशको राजधानी वीरेन्द्रनगर सुर्खेतमा रहेको अस्पतालले मिर्गौला प्रत्यारोपणको सेवा यहीँ हप्ताको शनिबारबाट सुरू गर्ने भएको हो ।
यसअघि माघ महिनादेखि मिर्गौला प्रत्यारोपणको लागि सम्झौता भएको र त्यसै अनुसार सेवा विस्तार गरिएको अस्पतालका निर्देशक प्रा.डा डम्बर खड्काले जानकारी दिनुभयो । सोमबार पत्रकार सम्मेलन गर्दै निर्देशक डा. खड्काले आमागी शनिबारदेखि सेवा शुरु हुने बताउनु भयो ।
यस आर्थिक वर्षमा मिर्गौला प्रत्यारोपण सेवा, क्याथ ल्याब स्थापनाका साथै एमआरआई मेसिन जडान गर्ने, आगामी तीन वर्षभित्र भवनको तला थपका लागि बहुवर्षे ठेक्का प्रक्रिया सुरु भएको, ५०० शय्याको अस्पताल सञ्चालन, बाल अस्पताल संचालन गर्ने जस्ता सेवालाई अस्पतालले विस्तार गर्ने लक्ष्य लिएको छ ।
यता कर्णाली प्रदेश सरकारले प्रदेश अस्पताललाई स्वास्थ्य विज्ञान प्रतिष्ठान (शिक्षण अस्पताल)का रुपमा स्तरोन्नतिका लागि छलफल समेत गरिसकेको छ । जसका लागि कर्णालीको सामाजिक विकास मन्त्रालयले अस्पताललाई प्रतिष्ठानका रुपमा विकास गर्न चालू आर्थिक वर्षमा बजेट विनियोजन समेत गरेको छ । हाल २९७ शय्याको अस्पतालमा दैनिक औसत ४०५ बिरामीले सेवा लिने गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच