काठमाडौं । नेकपा (एमाले) निकट राष्ट्रिय युवा संघको आयोजनामा केपी ओली कप २०२३ राष्ट्रिय फुटबल प्रतियोगिताको प्रतियोगिताको ट्रफी अनावरण र अफिसियल गीत सार्वजनिक भएको छ ।
केपी ओली कप २०२३ राष्ट्रिय फुटबल प्रतियोगिताको उद्घाटन फागुन ११ गते एन्फा कम्प्लेक्स सातदोबाटोमा हुने भएको हो । फुटबल प्रतियोगिता १७ गतेसम्म चल्ने र फाइनल प्रतियोगिता सोही दिन हुने राष्ट्रिय युवा संघका अध्यक्ष किरण पौडेलले जानकारी दिनुभयो । प्रतियोगितामा ८ वटा ए डिभिजनका समूहहरु सहभागि हुने उहाँले बताउनु भयो ।
प्रतियोगितामा प्रथम हुने समूहलाई १० लाख रुपैयाँ, रनरअपलाई ५ लाख रुपैयाँ, बेस्ट प्लेयरलाई १ लाख रुपैयाँ, बेस्ट गोलकिपरलाई १ लाख रुपैयाँ, प्रत्येक म्यान अफ द म्याचलाई १५ हजार रुपैयाँ र प्रत्येक म्याचको विजेता टिमलाई २५ हजार रुपैयाँको दरले पुरस्कार राशी राखिएको उहाँले बताउनु भयो ।
अध्यक्ष पौडेलले केपी ओली राष्ट्रिय युवा संघको संस्थापक अध्यक्ष भएकाले उहाँको सम्मान गर्न र समकालिन नेताहरुमध्य ओलीले खेलकुद बुझेको र चासो राख्ने भएकाले उहाँको नाममा फुटबल प्रतियोगिता गरिएको बताउनु भयो । ओली समर्थकको ध्यानलाई खेलकुद क्षेत्रप्रति डाइभर्ट गर्न सकेमा खेलकुद क्षेत्रमा ठूलो लगानी र योगदान हुने सम्भावना बढ्ने भएकाले पनि यो प्रतियोगिता गरिएको उहाँले उल्लेख गर्नुभयो ।
उहाँले भन्नुभयो – ‘हाम्रो संगठनको संस्थापक अध्यक्ष हुनुहुन्छ केपी शर्मा ओली । देशको प्रभावशाली राजनीतिज्ञ हुनुहुन्छ । समकालीन नेताहरुमा खेलकुदलाई अलि बुझेको, खेलकुदप्रति बढी चासो राख्ने र माया गर्ने नेताको रुपमा आम खेल जगतका साथीहरुले पनि भन्नुहुन्छ यो कुरा । उहाँको लिगेसी, शुभेच्छुक पंक्तिको ध्यानलाई खेलकुद क्षेत्रमा डाइभर्ट गरिदियौँ भने खेलकुद क्षेत्रमा ठूलो लगानी र योगदानको सम्भावना बढ्छ ।’
यस प्रतियोगिताले अन्य राजनीतिक दलहरुका भ्रातृ संगठनलाई पनि प्रतियोगिता गर्न प्रेरित गर्ने र खेल क्षेत्रमा आर्थिक क्षेत्र चलायमान हुने उहाँले उल्लेख गर्नुभयो । अध्यक्ष पौडेलले प्रतियोगिताको उद्घाटन खेल क्षेत्रका कुनै शिखर पुरुषले गर्ने बताउनु भयो । केपी ओलीको नामबाट प्रतियोगिता आयोजना भएको भएपनि ओली भने दर्शक, फुटबल प्रेमी र शुभचिन्तकको रुपमा मात्र उपस्थित हुनसक्ने उहाँले बताउनु भयो । प्रतियोगिताका लागि १ करोड ५० लाख रुपैयाँ बराबरको स्टमेट रहेको उहाँले बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच