काठमाडौं । नेपालस्थित टिभिएसको आधिकारिक बिक्रेता जगदम्बा मोटर्सले गत मार्चमा बाइकिङ प्रविधि प्रवद्र्धन गर्न अपाचे ओनरग्रुप (एओजी) नामक फोरम गठन गरेको थियो । एओजीले विभिन्न आकर्षक र मनोरञ्जनात्मक कार्यक्रममार्फत् युवाको बाइकिङप्रतिको जोस मनाउने गरेको छ । स्थापनाको छोटो अवधिमै अपाचे ओनरग्रुप देशभरबाट सात सयभन्दा बढी सदस्य बटुल्न सफल भएको कम्पनीले जनाएको छ । ग्रुपले हालसम्म १२ च्याप्टर र १६ मार्सल राइडसहित २८ राइड सञ्चालन गरिसकेको छ ।
परोपकार, प्रवद्र्धन, मनोरञ्जन र शैक्षिक कार्यक्रममा सधैं सक्रिय ग्रुपले यसपटक भने पहिलो अन्तर्राष्ट्रिय मार्की राइडको आयोजना गर्ने भएको छ । बिहीबारदेखि सुरु हुने अपाचे ओनरग्रुप (एओजी) को माक्र्यु राइडमा नेपाल, भारत र बंगलादेशका राइडर सहभागी हुने कम्पनीले जनाएको छ ।
२१ दिन लामो उक्त राइड पहिलो दिन काठमाडौं, रक्सौल हुँदै भारत प्रवेश गर्ने र करिब छ हजार पाँच सय किलोमिटर दूरीको हुने बताइएको छ । मानिस र मेसिनबीचको सम्बन्ध थप बलियो बनाउने उद्देश्यका साथ आयोजना हुन लागेको राइडका लागि पाँच सयभन्दा बढी अपाचे राइडरले अनलाइन आवेदन दिएका छन् । उक्त राइड रक्सौल, गया, राउरकेला, सारंगढ, गोंदिया, अमरावती, औरंगाबाद, सातारा, गोवा, उडुपी, मैसुर, बंग्लौर, तिरूपति, विजयवाडा, विशाखपटनम, ब्रहृमपुर, कोलकाता, भागलपुरबाट रक्सौल हुँदै काठमाडौंमा आएर सम्पन्न हुने कम्पनीले जनाएको छ ।
राउरकेलामा नेपाल र बंगलादेशका राइडरको भेट हुनेछ र राइडर्स विभिन्न रुट हुँदै गोवा जानेछन्, राइडरले राइडका क्रममा भारतका विभिन्न स्थान र पर्यटकीय क्षेत्र पनि भ्रमण गर्नेछन् । राइडका क्रममा मार्च ३ र ४ मा गोवामा मोटोसोल अल्टिमेट बाइकिङ फेस्टिभल हुनेछ, जहाँ विभिन्न बाइकिङ गतिविधिका साथै गिगमा र टिभिएसका उत्कृष्ट बाइक, बाइकिङ पोशाक र प्रविधि प्रदर्शनी गरिनेछ । टिभिएसले हालसम्म १२ च्याप्टर राइड र १६ मार्सल राइड गरी २८ राइड आयोजना गरिसकेको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच