हुम्ला । हुम्लाको सिमकोट गाउँपालिका-२ निवासी उम्मपुरी बोहरालाई उपचारमा आर्थिक अभाव भएको छ । मस्तिष्कघात (प्यारालाइसिस) का कारण गम्भीर बिरामी पर्नुभएकी बोहराको उपचारमा आर्थिक अभाव भएको हो । उहाँको काठमाडौं बाँसघारीस्थित न्युरो अस्पतालमा उपचार भइरहेको छ । मस्तिष्कघातका कारण मृत्युसँग लड्दै उहाँको शरीरको दाहिने भाग चल्न छाडेको श्रीमान् चक्र बोहराले बताउनुभयो ।
मंसिर ५ गते गाउँ नजिकैको खेतमा गाईवस्तु चराउन गएको समयमा एक्कासि बेहोस भएको परिवारजनले बताएका छन् । त्यसपछि उहाँको बोलीसहित शरीरको दाहिने भाग चल्न छाडेको उहाँका छोरा सञ्जित बोहराले बताउनुभयो । आफन्तले सामान्य आर्थिक जोहो गरेर बिरामीलाई काठमाडौं पु¥याए पनि अहिले उपचारमा आर्थिक समस्या निम्तिएको छोराले बताउनुभयो ।
बिरामीका छोरा सञ्जितले भन्नुभयो, ‘उपचारमा दैनिक १५ देखि २० हजारका दरले खर्च भइरहेको छ भने उपचारमा कति दिन लाग्छ, ठेगान छैन । उपचार खर्च अभाव छ ।’ उपचारमा संलग्न चिकित्सकले बोहराको मस्तिष्कको दाहिने भागमा रगत जमेको बताएका छन् । बिरामी उम्मपुरीलाई उपचारमा सहयोग गर्न आफन्तले हुम्लीलाई आग्रह गरेका छन् ।
उहाँको उपचारका लागि सहयोग गर्न परिवारजनले आग्रह गरेका छन् । सहयोग गर्न चाहनेले विकास बोहराको नाममा रहेको सिटिजन्स बैंकको खाता नम्बर ०१७०१०००००२१३००९ मा पैसा जम्मा गर्न सकिने परिवारले जनाएको छ । सम्पर्क नम्बर छोरा सञ्जित बोहरा ९८६३१४३४२७, विकास बोहरा ९८४००५८८१७ रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच