दाङ । लुम्बिनी प्रदेशमा माओवादी संसदीय दलका नेता महराको खोज्नु पर्ने नेकपा माओवादी केन्द्रभित्रै उठेको छ । जसले गर्दा लुम्बिनी प्रदेशमा नयाँ सरकार गठनको विषय पेचिलो बन्दै गएको छ।
नेकपा एमालेको नेतृत्वमा रहेको सरकार बदल्न हाल सरकारमै रहेको नेकपा माओवादी केन्द्रभित्रै विवाद वढेपछी लुम्बिनी प्रदेशमा नयाँ सरकार गठनको विषय पेचिलो बन्दै गएको हो । ‘उहाँ (जोखबहादुर) संसदीय दलको नेताको रूपमा बन्न खोज्नु भएन। एउटा गुटको मात्रै नेता बन्न खोज्नुभयो’, माओवादी नेता तथा प्रदेशसभा सदस्य धनबहादुर मास्कीले भन्नु भयो, ‘हामी उहाँको विकल्प खोज्न सक्छौँ।’
जिम्मेवारी बाँडफाँडको विषयमा असन्तुष्ट रहेकी कृष्णा केसी पनि असन्तुस्टी छ । लुम्बिनी प्रदेशमा माओवादी संसदीय दलका नेता महराको नेतृत्वमा सरकारमा सहभागी भएको थियो। उहाँ सँगै तीनजना मन्त्री छन्। तर, सुरुमा बिना विभागीय मन्त्रीको जिम्मेवारीमा रहेकी र पछि जिम्मेवारी तोकिएकी कृष्णा केसीलाइ मन्त्रीको रूपमा काममा खटाइएको छैन ।
तर नेकपा माओवादीभित्र संसदीय दलको नेता फेर्नेसम्मको विवाद नरहेको भौतिकपूर्वाधार विकासमन्त्री इन्द्रजीत थारुले बताउनुभयो । हामी संसदीय दलको बैठक बस्छौँ। भावी योजनाको बारेमा छलफल गरेर निर्णयमा पुग्छौँ थारुले भन्नु भयो ।
यता नयाँ समीकरणको आधारमा सरकार फेर्ने विषयमा नयाँ गठबन्धन सक्रिय बन्न थालेको छ। नेपाली कांग्रेसले आफ्नो नेतृत्वमा सरकार गठन गर्नेगरी गृहकार्य थालिसकेको छ। जसका लागि नयाँ गठबन्धनमा रहेका दलहरूको बीचमा छलफल गरिरहेको छ। संसदीय दलका नेता डिल्लीबहादुर चौधरीले आफ्नो सक्रियता बढाउन थाल्नु भएको छ । मुख्मन्त्री लीला गिरी भने संसदीय प्रक्रियामा सहभागी हुन चाहेको वुझिएको छ । सरकारमा सहभागी कुनै एक दलले समर्थन फिर्ता लिएको खण्डमा तीस दिनभित्र विश्वासको मत लिनुपर्ने संवैधानिक प्रावधान छ।
विश्वासको मत लिनुपर्ने खण्डमा पनि सरकारले त्यसको अभ्यास गर्ने जनाउ दिएको छ। लुम्बिनीमा एमाले पहिलो दल छ, जसका २९ सांसद छन्। दोस्रोमा नेपाली कांग्रेस छ, जसका २७ सांसद छन्। तेस्रोमा माओवादी छ, जसका १० सांसद छन्। ८७ सदस्यीय प्रदेशसभामा राप्रपा र नागरिक उन्मुक्तिका चार–चार, जसपा, लोसपा र जनमतका तीन–तीन, जनमोर्चा र नेकपा एकीकृत समाजवादीका एक–एक र स्वतन्त्रगरी दुईजना सांसद छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच