सुदूरपश्चिम-११ तिलोत्तमा गोल्डकपको फाइनलमा

हिमालय टाइम्स

१० चैत्र २०७९, शुक्रबार ०४:१२

Read Time = 2 mins

प्रिन्ट संस्करण

खेलकुद

A A- A+

बुटवल । सुदूरपश्चिम-११ क्लब बुटवलमा जारी तिलोत्तमा गोल्डकपको फाइनलमा प्रवेश गरेको छ । पहिलो सेमिफाइनल खेलमा सुदूरपश्चिम-११ ले थ्री स्टार क्लबलाई १-० गोल अन्तरले पराजित गर्दै फाइनलमा स्थान बनाएको हो ।

निकै प्रतिस्पर्धात्मक खेलको दोस्रो हाफको ४०औँ मिनेटमा सुदूरपश्चिम-११ का लागि फागुराम थारुले निर्णायक गोल गर्नुभएको थियो । यही गोलसँगै सुदूरपश्चिम-११ पहिलोपटक तिलोत्तमा गोल्डकपको फाइनलमा प्रवेश गरेको हो ।

खेलमा सुदूरपश्चिम-११ का विष्णु चौधरी म्यान अफ दि म्याच घोषित हुनुभयो । उहाँले ११ हजार एक सय ११, यति हेल्मेट र करेन्ट चाउचाउ पुरस्कार प्राप्त गर्नुभएको छ ।

रूपन्देही जिल्ला फुटबल संघको आयोजनामा एन्फा टेक्निकल सेन्टर देवीनगरमा चलिरहेको २२औँ संस्करणको तिलोत्तमा गोल्डकपमा दुई विभागीयसहित आठ टिम सहभागी भएको प्रतियोगिताको विजेताले ११ लाख ११ हजार एक सय ११ र उपविजेताले पाँच लाख ५५ हजार पाँच सय ५५ नगद पुरस्कार पाउने संघले जनाएको छ ।

गोल्डकप

तिलोत्तमा

यो खबर पढेर तपाईलाई कस्तो महसुस भयो ?