पाल्पा । पाल्पामा खानेपानीको पाइप बनाउन गएका ७० वर्षीय एक वृद्ध मृत अवस्थामा फेला परेका छन् । यहाँका रैनादेवी छहरा गाउँपालिका-८ कोहलका रनबहादुर रेश्मी घर नजिकै मृत अवस्थामा फेला पर्नुभएको हो ।
आइतबार विहान खानेपानीको पाइप बनाउन भनि घरबाट निस्किएका रेश्मी अबेरसम्म पनि घर नफर्किएपछि आफन्तहरुले खोज्ने क्रममा घर नजिकैको भल्टेखानी गैरामा मृत अवस्थामा फेला पारेको जिल्ला प्रहरी कार्यालयले जनाएको छ ।
उहाँलाई मृत अवस्थामा देखेपछि आफ्न्तले प्रहरीलाई खबर गरेका थिए । खबर लगत्तै प्रहरी चौकी बल्डेङगढी र जिल्लाबाट गएको प्रहरी अनुसन्धान अधिकृतसहितको टोलीले घटनाको प्रारम्भीक अनुुसन्धान गर्दा माथिबाट ढुुंगा खसी रेश्मीलाई लागी मृत्युु भएको हुुन सक्ने जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिनुभयो ।
उहाँका अनुसार मृतकको शवलाई पोष्टमार्टको लागि प्रादेशीक अस्पताल बुटवल पठाइएको छ । घटनाको विषयमा थप अनुसन्धान भइरहेको प्रहरीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच