दाङ । दाङको राजपुर गाउँपालिका वडा नं. ३ भैंसहवा निवासी बिमलाले सुत्केरी भएदेखि पूरा पेट भात खान पाउनुभएको छैन । श्रीमान कृष्णकुमार यादवले ऋण धन गरेर ल्याएको चामल सकिएपछि शनिबार त दिनभरि भोकभोकै बस्नु प-यो । यादव सुत्केरी भएपछि उहाँको नियमित स्वास्थ्य जाँच गर्न बेला स्वास्थ्यचौकीबाट स्वास्थ्यकर्मी घरमै जाने गरेका छन् । सुत्केरी भएको तेस्रो दिन स्वास्थ्य जाँच गर्न घरमै पुगेको बेलामा बिमलाले आफ्नो सबै समस्या स्वास्थ्यकर्मी नन्दा केसी चन्दलाई सुनाउनुभयो । ‘एक गेडो चामल थिएन । बिहान ८ बजे आधा पेट भात खाएदेखि बेलुकासम्म केही खान नपाएको देखें’– केसीले भन्नुभयो– ‘पीडा देख्न नसकेर चामल र केही सामान किनेर दिएँ । सुत्केरी भोकभोकै बस्नुपर्ने अवस्था कस्तो विडम्बना ।’
आमाको प्रशस्त दूध आउँदैन । जसले गर्दा आमा र बच्चा भोकभोकै बस्नुपर्ने बाध्यता छ । सुत्केरी भएको बेला प्रशस्त सन्तुलित खानेकुरा खानुपर्ने हुन्छ तर गरिबीका कारण आमाहरुले सुत्केरी भएको बेलासमेत पूरा पेट खाना खान नपाउने अवस्था देखिएको छ । बिमलाका श्रीमान् एक्लो छोरा हुनुहुन्छ ।
कृष्णकुमारको बुवा–आमासँग करिब १५ कट्ठा जग्गा छ तर त्यो जग्गाको एक मुठी आयस्ता पनि उहाँहरुले पाउनु भएको छैन । जसले गर्दा कृष्णकुमारलाई परिवार पाल्न समस्या परेको छ । विमलाको कृष्णकुमारसँग दोस्रो विवाह हो । पहिलो विवाहबाट उनको ६ बर्षकी छोरी छिन् । ती छोरी पनि विमलाले आफूसँगै लिएर आएपछि कृष्णकुमारको परिवारले स्वीकार गरेको छैन । दोस्रो विवाहपछि विमलाले एक छोरी र एक छोराको जन्म दिनुभएको छ ।
‘यो नानी पनि मेरो छोरी हो तर बुवा आमाले यसलाई दूध, दही केही पनि दिनुहुँदैन ।’ कृष्णकुमारले भन्नुभयो– ‘बुवा–आमाले ढोका लगाएर बसेपछि समस्या भयो ।’ गाउँलेहरुले पनि कृष्णकुमारको बुवा–आमाको जग्गा जमिन भएकाले सहयोग गर्न आनाकानी गर्ने गरेका छन् । यस्तो पीडादायी अवस्थाबाट कृष्णकुमार र विमलाको परिवार गुज्रिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच