खोटाङ । खोटाङको हलेसी तुवाचुङ नगरपालिकामा पहिलो पटक कालोपत्रे सडक निर्माण हुने भएको छ । मध्यपहाडी लोकमार्ग अन्तरगत जयराम हलेसी सडकले प्रायः वडा छोएको नगरपालिकाभित्र तीन वडालाई समेट्ने गरी पक्की ग्रामिण सडक निर्माण हुने भएको हो ।
हलेसी तुवाचुङ नगरपालिका–३च्यास्मिटारबाट डिकुवा हुँदै बाहुनीडाँडाको वडा कार्यालय पुग्ने साँढे १० किलोमिटर ‘च्यास्मिटार–डिकुवा–कुर्लेघाट’ सडकको सोमबार हलेसी तुवाचुङ नगरपालिकाका मेयर बिमला राईले शिलान्यास गर्नुभएको छ ।
सडक विभागको २७ करोड ४ लाख ७५ हजार बजेटमा ३ वर्षमा सक्नेगरी फेवा कन्ट्रक्सन पोखराले २०७९ पुष २० सडकको ठेक्का सम्झौता गरेको छ ।
ड्रेनसहित नौ मिटरको कालोपत्रे सडक बन्ने कन्ट्रक्सनका प्रतिनिधि पत्थर सिं राई राईले बताउनुभयो । नगरपालिकाभित्र बन्ने पहिलो पिच सडकलाई निर्धारित समयमै सम्पन्न गराउनमा समन्वय, सहजीकरण र खबरदारी रहने मेयर राईले बताउनुभयो ।
दुई नगरपालिका, आठ गाउँपालिका रहेको जिल्लामा यो नै पहिलो पक्की ग्रामिण सडक हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच