जुम्ला । नेकपा (एमाले) का प्रचार विभागका उपप्रमुख विष्णु रिजालले एमाले कुनै शक्तिका सामु नझुक्ने राष्ट्रवादी पार्टी भएको बताउनु भएको छ ।
जुम्लाको तातोपानी गाउँपालिका–६ धौलापानीमा आयोजित कार्यकर्ता भेलालाई सम्बोधन गर्दै उहाँले भन्नुभयो, ‘आफ्नो संविधान आफैँ बनाउँदा, नाकाबन्दीको डटेर सामना गर्दा, आफ्नो लुटिएको भूमिसहित नक्सा जारी गर्दा र चीनसँग बारबहन सम्झौता गर्दा हाम्रो पार्र्टीमाथि प्रहार गरिएको छ । तर, जति गरे पनि हामी कुनै विदेशी प्रभुका सामु झुक्दैनौँ ।
एमालेद्वारा सञ्चालित मिसन ग्रासरुट अभियानका क्रममा आयोजित वडास्तरीय भेलालाई सम्बोधन गर्दै केन्द्रीय सदस्यसमेत रहनुभएको रिजालले राष्ट्रभक्त पार्टीका पक्षमा जनतालाई गोलबन्द गराउनु पर्नेमा जोड दिनुभयो । एउटा पार्टी असल वा खराब हुने कुराले देशको भविष्य निर्धारण गर्ने उहाँले बताउनु भयो । एमालेका सही नीतिका कारण आज गाउँगाउँमा विकास सम्भव भएको छ, सामाजिक सुरक्षाका प्रश्नमा जनता लाभान्वित भएका छन् र मुलुकले समृद्धिको मार्ग समातेको छ’,उहाँले भन्नुभयो, ‘तर, हामीलाई अप्राकृतिक रुपमा घेराबन्दी गरेर यी सब कुरालाई अवरुद्ध पार्न खोजिएको छ । जनताको बलमा त्यसलाई परास्त गर्नेछौं ।’
वडा कमिटीका अध्यक्ष मिमबहादुर बुढ्थापाको अध्यक्षतामा सम्पन्न भेलामा एमाले जुम्लाका अध्यक्ष शान्तिलाल महत, प्रदेश कमिटी सदस्य शान्ता शाही, प्रदेश प्रतिनिधि आदिप्रसाद न्यौपाने, नारायणी चौलागाईं, जिल्ला उपाध्यक्ष सुरतबहादुर शाही, सचिव धनकृष्ण पाण्डे, सदस्य धीरज जैसीलगायतको उपस्थिति थियो ।
वटा ८ वडा रहेको तातोपानी गाउँपालिकका ३ वटा वडामा एमालेले अभियान सम्पन्न गरेको छ । बाँकी वडाहरुमा केन्द्रीय सदस्य रिजालको उपस्थितिमा अभियान सञ्चालन गरिने पालिका अध्यक्ष पूर्ण पाण्डेले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच