![सुर्तीजन्य पदार्थले लिन्छ वर्षेनी ३७ हजार नेपालीको ज्यान](https://ehimalayatimes.com/wp-content/uploads/2024/05/Tobacco-kills-37000-Nepalese-people-every-year-Hita-fornt-page.jpg)
म्याग्दी । भिर महको निकालेको दृष्य लिन नेशनल जियोग्राफीको टोलीसहित स्पेन र जर्मनी पर्यटक गरी १६ जना विदेशी पर्यटक म्याग्दीको धवलागिरी गाउँपालिका–२,लुलाङको खबाङ भीरमा आएका छन् ।
आङ सिरिङ्ग हुने हिमाल जस्तै अग्लो कहालीलाग्दो पहरामा भीर मह निकालिरहेको दृष्यको अवलोकनसँगै प्रचारप्रसार गर्न विदेशी टोली यहाँ आएर दृश्य लिएका धवलागिरि गाउँपालिका वडा नं २ का वडा अध्यक्ष अकप्रसाद विकले बताउनुभयो । “भीर महको दृष्य खिच्न विदेशी नै आएका छन्, यहाँको प्रचारप्रसारले पर्यटन प्रर्बधनमा समेत सघाउँछ” वडा अध्यक्ष विकले भन्नुभयो ।
टोलीले हत्केलामा जउन राखेर डोरी (परङ) मा झुन्डिएर मौरीको चाका नजीक पुगेर मह निकाल्ने मह शिकारीको अनुभवसँगै स्थानीयबासी र गाउँपालिकाको टोलीसँग समेत छलफल गरेका वडा अध्यक्ष विकको भनाई छ ।लुलाङका स्थानीयवासी थमबहादुर सिर्पालीको समन्वयमा आएको विदेशीले धवलागिरी गाउँपालिका उपाध्यक्ष रेसम पुन मगरसँग समेत भीर महको संरक्षण र निकाल्ने क्रममा हुने दुर्घटनाको जोखिम न्यूनिकरणका बारेमा विदेशीले चासो देखाएका थिए ।
भिर मह निकाल्नका लागि भिरको माथिल्लो भाग र तल्लो भागमा दुई समूहमा शिकारी बाँडिएका हुन्छन् । एक समूहले भिरको माथिबाट तल भुईंसम्म डोरी झुन्डाउँछन् भने भिरको तलपट्टि रहेको अर्को समूहले मह थाप्ने र स्याहार्ने गर्छन् । ठूलो भिरमा मेहनत धेरै लाग्ने भएकाले एउटा भिरमा दिनभरी खर्चिनुपर्छ ।
झण्डै ५ सयदेखि १५ सय मिटरको उचाईका पहरामा पुगेर गाउँका मोतिप्रसाद सहितको टोलीले मह निकाल्ने गरेका छन् । गाउँपालिका उपाध्यक्ष पुनले धवलागिरीलाई ‘हनी हन्टिङ’ का लागि प्रख्यात ठाउँको रुपमा चिनाउन विदेशी टोलीको आगमनले सहज भएको बताउनुभयो ।
ग्रामीण पर्यटन प्रवद्र्धनमा मह शिकारले टेवा पुग्ने उनको भनाई छ । “पर्यटन प्रवद्र्धनमा यो टोलीबाट धेरै सहयोगको आश्वासन आएको छ, हामीले पनि अवका दिनमा मह शिकारलाई बिशेष बनाउनेछौ“ उपाध्यक्ष पुनले भने। अनुभवी शिकारीले परम्परागत प्रविधिबाट मह शिकार गर्छन ।
अहिले समग्र विश्व नै जलवायु परिवर्तनको असरको सामना गरिरहेको अवस्थामा नेशनल जियोग्राफीले भीर मौरीका बारेमा समेत चासो देखाएका थिए । म्याग्दीमा लुलाङ बाहेक गूर्जा, कुइनेमंगले,चिमखोला, दग्नाम, उत्तरी क्षेत्रमा दाना, शिख, हिस्तानको दोसल्ले लगायतका स्थानमा भीर मह पाइन्छ। गुलियो र स्वादिलो हुने भीर मह विशेषगरी यौनप्रवद्धक, शक्ति र हाडजोर्नीका रोगीका लागि अचुक औषधि मानिन्छ । वसन्त र शरद ऋतु मह शिकारका लागि उपयुक्त समय मानिन्छ ।
![सरकारले कसरी ल्याउला बजेट, विपक्षीको घेरामा कि अध्यादेशमार्फत ?](https://ehimalayatimes.com/wp-content/uploads/2024/05/samsad-congress-2.jpg)
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच