काठमाडौं । नेपालका तीव्र गतिका बलर सोमपाल कामीले क्यानडा क्रिकेट बोर्डले आयोजना गर्ने फ्लावर सिटी टी-२० प्रिमियर लिग ट्रफी क्रिकेट खेल्नुहुने भएको छ । क्यानडा क्रिकेट बोर्डले सोमपालले ओटावा फाल्कोन्स टोलीबाट उक्त प्रतियोगिता खेल्ने जनाएको हो ।
सोमपाल रहेको टोलीमा चाडविक वाल्टन आइकोन खेलाडी हुनुहुन्छ । सोमपाल र चाडविकले केही महिनाअघि नेपाल टी २० लिग जनकपुर रोयल्सबाट सँगै खेल्नुभएको थियो ।
प्रतियोगितामा ६ टोलीबीच प्रतिस्पर्धा हुनेछ । प्रतियोगिता आगामी जुन ९ देखि १९ सम्म चल्नेछ । सोमपालले खेल्ने यो तेस्रो विदेशी लिग हुनेछ । सोमपालले क्यानडामा नै २०१९ मा भएको ग्लोबल टी-ट्वान्टी विनिपेग हक्सबाट खेल्दै च्याम्पियन बन्नुभएको थियो ।
सोमपाल नेपालका प्रमुख तीव्र गतिका बलर हुनुहुन्छ । सोमपालले नेपालबाट ४१ ओडिआई खेलमा ५८ विकेट र ४२ टी-२० आई खेलमा ३८ विकेट लिनुभएको छ । सोमपाल नेपालबाट ओडिआईमा पाँच विकेट लिने पहिलो खेलाडीसमेत हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच