काठमाडौँ । राष्ट्रिय स्वतन्त्र पार्टीले सांसद ढाकाकुमार श्रेष्ठसँग दुई करोड अडियो टेप प्रकरणबारे बयान लिएको छ ।
रास्वपा अनुशासन समितिले मंगलबार दिउँसो पार्टी कार्यालय बसुन्धारामा सांसद श्रेष्ठसँग दुई करोड प्रकरणबारे बयान लिएको हो ।
श्रेष्ठले ‘स्वास्थ्यमन्त्री बन्नका लागि ‘रास्वपाको कोर टिमलाई बुझाउन’ भनी व्यवसायी दुर्गा प्रसाईँसँग २ करोड मागेको अडियो आइतबार सार्वजनिक भएको थियो ।
अडियो सार्वजनिक भएलगत्तै पार्टीले श्रेष्ठलाई निलम्बन गर्दै २४ घन्टे स्पष्टीकरण सोधेको थियो ।
समितिका एक जना सदस्यका अनुसार, बयानमा श्रेष्ठले सार्वजनिक अडियोमा भएको आवाज आफ्नो नभएको जिकिर दोहोर्याउनु भएको छ । उहाँले पार्टीलाई पठाएको स्पष्टीकरणमा पनि अडियो सम्पादित रहेको उल्लेख गर्नुभएको थियो । तर, अनुशासन समितिले सो भनाइमा विश्वास गरेको छैन ।
यस घटनामाथि छानबिन सकेर अनुशासन समितिले पार्टीको केन्द्रीय समितिलाई सुझाउने तयारी छ । समितिको सुझावका आधारमा केन्द्रीय समितिले निर्णय लिने छ ।
भोलि रास्वपाको केन्द्रीय समिति बस्ने भएको छ ।
यो पनि पढ्नुहोस्
- सांसद डा. श्रेष्ठमाथि छानबिन गरि प्रतिवेदन बुझाउन रास्वपाको निर्देशन, श्रेष्ठसँग २४ घण्टे स्पष्टीकरण
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच