-सरोज निरौला
उदयपुर । दुई थान हतियारसहित उदयपुरको वेलका नगरपालिका वडा नं ३ टप्पु क्षेत्रबाट एक युवा पक्राउ परेका छन् । सुनसरी जिल्लाको बराहाक्षेत्र-७ निवासी वर्ष ३० का कुमार भन्ने जयकुमार राईलाई प्रहरीले दुई थान हतियारसहित पक्रारउ गरेकाे हाे ।
ज्यान मार्ने उद्योगसम्बन्धी मुद्दामा पक्राउ पुर्जी जारी भएका एक फरार प्रतिवादीलाई गोली भरिएका दुई थान हतियारसहित इलाका प्रहरी कार्यालय राम्पुर ठोक्सिलाबाट खटिएको प्रहरी निरीक्षक सुभाष खनालसहितको प्रहरी टोलीले शनिबार बिहान टप्पु क्षेत्रबाट पक्राउ गरेको हो ।
जिल्ला प्रहरी कार्यालय उदयपुरका प्रहरी निरीक्षक मोहनबहादुर थापाकाअनुसार निज फरार प्रतिवादी वेलका नगरपालिका-३ स्थित टप्पु क्षेत्रमा लुकीछिपी बस्दै आएको भन्ने इलाका प्रहरी कार्यालय बनेपा काभ्रेपलाञ्चोकबाट जानकारी प्राप्त भएपछि खोजतलास गर्दा राईलाई पक्राउ गरिएको हो ।
पक्राउ परेका राईलाई इलाका प्रहरी कार्यालय राम्पुरमा राखी थप अनुसन्धान भइरहेको पनि निरीक्षक थापाले जनकारी दिनुभयो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच