काठमाडौं । इन्डियन प्रिमियर लिग (आईपीएल) मा चेन्नाई सुपर किंग्सले रोयल च्यालेन्जर्स बेंग्लोरविरुद्ध ८ रनको रोमाञ्चक जित निकालेको छ ।
सोमबार एमए चिदम्बरम रंगशालामा चेन्नाईले प्रस्तुत गरेको २२७ रनको बिशाल लक्ष्य पछ्याउने क्रममा बेंग्लोरले निर्धारित २० ओभरमा आठ विकेट गुमाएर २१८ रनमात्र बनाउन सक्यो ।
बेंग्लोरका लागि सर्बाधिक म्याक्सवेलले ३६ बलमा ३ चौका र ८ छक्कासहित ७६ रन बनाउँदा कप्तान डु प्लेसिस ३३ बलमा ५ चौका र ४ छक्कासहित ६२ रन बनाएका थिए ।
त्यसअघि टस हारेपछि ब्याटिङमा निम्त्याइएको चेन्नाईले निर्धारित २० ओभरमा ६ विकेट गुमाएर २२६ रनको योगफल खडा गरेको थियो ।
चेन्नाईका लागि ओपनर डेभन कन्वे र शिभम् दुबेले अर्धशतकीय ईनिङ खेले ।
कन्वेले ४५ बलमा ६ चौका र ६ छक्कासहित सर्वाधिक ८३ रनको योगदान गर्दा शिभम दुबे २७ बलमा २ चौका र ५ छक्कासहित ५२ रनमा आउट भए ।
तेस्रो विकेटका लागि दुबे र कन्वेले ३७ बलमा ८० रनको साझेदारी गरेका थिए ।
जितसँगै पाँच खेलबाट ६ अंक जोडेको चेन्नाई तालिकाको तेस्रो स्थानमा उक्लिएको छ । समान खेलबाट चार अंक जोडेको बेंग्लोर तालिकाको सातौं स्थानमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच