म्याग्दी । म्याग्दीमा मंगलवार साँझ मोटरसाइकलको ठक्करबाट चितुवाको मृत्यु भएको छ ।
जिल्ला प्रहरी कार्यालय म्याग्दीका अनुसार बेनी नगरपालिका १ रत्नेचौरको घैयारामा साँझ ७ बजे बागलुङबाट आउँदै गरेको सुशिल खत्रीको बा ८ प ४०७२ नम्बरको मोटरसाइकलको ठक्करबाट चितुवाको मृत्यु भएको हो ।
सडकमा गुडिरहेको मोटरसाइकलमा सडक पार गर्दै गरेको चितुवा एक्कासी ठोक्किए पछि घटनास्थलमा नै मृत्यु भएको डिभिजन बन कार्यालय म्याग्दीका राजेन्द्र सापकोटाले बताउनुभयो । सापकोटाका अनुसार मोटरसाइकलको अघिल्लो भागमा चितुवाको टाउको ठोकिएको थियो ।
करिब ४० केजीको चितुवाको उमेर दुई वर्ष अनुमान गरिएको डिभिजन बन कार्यालय म्याग्दीका प्रमुख मनोज रानाभाटले जानकारी दिनुभयो । प्रमुख रानाभाटका अनुसार मृत चितुवाको आज मुचुल्का तयार गरी व्यवस्थापन गरिँदै छ । उक्त घटनामा मोटरसाइकल चालक भने सुरक्षित नै रहेका प्रहरीले जनाएको छ ।
म्याग्दीमा जंगल आसपासका क्षेत्रमा वस्ती विस्तार हुँदा चितुवाको वासस्थान सुरक्षित नहुनु, चितुवाको आहार प्रजातिमा उल्लेखनीय कमी आउनु, चितुवाको प्राकृतिक आनिवानीमा परिवर्तन जस्ता कारणहरूले चितुवा आक्रामक बन्दै गएका रानाभाटले बताउनुभयो ।
सडकमा गुडिरहेको सवारी साधनमा चितुवा ठोकिएर मृत्युभएको यो पहिलो घटना भएको बताउँदै प्रमुख रानाभाटले बनजंगलमा लागेको डढेलोका कारणसमेत अहिले वासस्थान खलबलिएको अवस्थामा मानव र चितुवाको जम्काभेट हुनसक्ने बताउनुभयो ।
म्याग्दीमा चितुवाको संख्या बढेकाले आहाराको खोजीमा चितुवा मानव वस्ती र सडक छेउछाउमा देखिन थालेको पाइएको स्थानीयले बताएका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच