काठमाडौं । सूर्यकुमार यादव र नेहाल वादेराको सानदार साझेदारीमा मुम्बई इन्डियन्सले जारी इन्डियन प्रिमियर लिग (आइपीएल) मा रोयल च्यालेन्जर्स बेंगलोरलाई पराजित गरेको छ ।
घरेलु मैदान वांनखडे स्टेडियममा मुम्बईले बेंगलोरमाथि ६ विकेटको सानदार जित दर्ता गरेको हो ।
बेंगलोरले दिएको २ सय रनको लक्ष्य मुम्बईले १६ दशमलब ३ ओभरमा ४ विकेट गुमाएर पूरा गरेको हो ।
मुम्बईको जितमा सूर्यकमार यादव तथा निहाल वादेराले अर्धशतकीय ईनिङ्स खेले । सूर्यले ३५ बलमा ७ चौका र ६ छक्काको सहयोगमा ८३ रनको सानदार ईनिङ खेले ।
तेस्रो विकेटका लागि सूर्यले निहाल वादेरासँग मिलेर ६४ बलमा १ सय ४० रनको सानदार साझेदारी गरे । यही विष्फोटक साझेदारीले नै जितको आधार तय भयो ।
नेहालले ३४ बलमा ४ चौका र ३ छक्काको सहयोगमा अविजित ५२ रन बनाए ।
त्यसअघि ब्याटिङ गरेको बेंगलोरले निर्धारित २० ओभरमा ६ विकेट गुमाउँदै १ सय ९९ रन जोड्यो ।
कप्तान फाफ डु प्लेसिस र अलराउन्डर ग्लेन म्याक्सवेलले शतकीय साझेदारी गरेका थिए । उनीहरुले तेस्रो विकेटका लागि ६१ बलमा १ सय २० रनको साझेदारी गरेका थिए ।
कप्तान डु प्लेसिसले ४१ बलमा ५ चौका र ३ छक्काको सहयोगमा ६५ रनको अर्धशतकीय ईनिङ्स खेले । म्याक्सवेलले ३३ बलमा ८ चौका तथा ४ छक्काको सहयोगमा ६८ अर्धशतकी ईनिङ्स खेले ।
विराट कोहलीको पहिलो ओभरमा नै १ रनमा आउट भएका थिए ।
यस जितसँगै ११ खेलमा ६ जित र ५ हारसँगै १० टोली सहभागी लिगमा मुम्बई १२ अंकका साथ तेस्रो स्थानमा उक्लिएको छ ।
बेंगलोर भने ११ खेलमा ५ जित र ६ हारका साथ अंक तालिकाको सातौं स्थानमा झरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच