काठमाडौं । राजस्थान रोयल्सले इन्डियन प्रिमियर लिग (आइपीएल)को शीर्ष चारमा रहँदै प्लेअफ प्रवेशको सम्भावना कायमै राखेको छ।
धर्मशालाको एचपीसीएको क्रिकेट मैदानमा शुक्रबार भएको खेलमा पन्जाब किंग्सलाई पराजित गरि राजस्थान ४ विकेटले विजयी भएको थियो ।
पन्जाबले दिएको १८८ रनको लक्ष्य राजस्थानले १९ दशमलब ४ ओभरमा ६ विकेट गुमाएर पूरा गर्यो ।
राजस्थानको जितमा यशस्वी जैसवाल र देवदत्त पडिकलले अर्धशतकीय ईनिङ खेले ।
त्यसअघि टस हारेर पहिले ब्याटिङ गरेको पन्जाबले निर्धारित २० ओभरमा ५ विकेट गुमाएर १८७ रन बनाएको थियो ।
पन्जाबका लागि साम करनले ३१ बलमा ४ चौका र २ छक्काको सहयोगमा अविजित ४९ रन बनाए । सुरुआत राम्रो हुन नसकेको पन्जाबका ओपनर प्रभसिमरन सिंह पहिलो ओभरमा २ रन बनाउँदै आउट भएका थिए ।
राजस्थान १४ खेलबाट १४ अंकका साथ पाँचौ स्थानमा रहेको छ । राजस्थानको प्लेअफ प्रवेशको सम्भावना कायमै रहेको छ ।
शनिबार(आज)को दोस्रो खेलमा लखनउसँग कोलकत्ताको हार तथा आइतबार मुम्बई तथा बेंगलोरको हारले राजस्थानको लागि प्लेअफको ढोका खुल्नेछ ।
पन्जाब १४ खेलमा १२ अंकका साथ प्रतियोगिताबाट बाहिरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच