हुम्ला । हुम्लाको सिमकोट गाउँपालिका–३ मा रहेका ४२ घरधुरीलाई निःशुल्क सोलर बत्ती वितरण गरिएको छ । वडा तीनको लिमाटाङ, टल्की र गुम्बा गाउँका विपन्न घरधुरीलाई सोलार वितरण गरिएको हो ।
अन्धकारमा कोही रात कटाउन नपरोस् भनेर बत्तीको पहुँच नपुगेका घरपरिवारले सजिलै उज्यालो बत्ति बाल्न सकुन भन्नका लागि सोलार सहयोग गरिएको हो ।
विद्युतीय ऊर्जाको अभावमा लामो समयदेखि समस्या झेलिरहेका विपन्न नागरिकले सोलार पाएपछि खुसी भएका छन् । हुम्ला अहिलेसम्म पनि केन्द्रीय प्रसारण लाइनमा जोडिन सकेको छैन । लिमाटाङ गाउँमै पुगेर सोलार वितरण गरिएको हो । दुई वटा बल्व, एउटा पाता, व्याट्री सहित सोलार बत्ती वितरण गरिएको हो ।
तेस्रो ध्रुव संरक्षण परियोजना उकालीको आयोजनाका साथै संयुक्त राष्ट्र विकास कार्यक्रमको विश्वअमेरिकी गैरसरकारी संस्था र जीईएफ स्मल ग्रान्ड फन्ड (एसजीपी) यूएनडिपी, सिमकोट गाउँपालिका आर्थिक सहयोगका सागै क्यानडामा रहेका पेमा लामाको व्यतिगत आर्थिक सहयोगमा सोलार सहयोग गरिएको हो । खाली खुट्टा कलेज अन्तर्राष्ट्रिय (भारत) लोटस इनर्जी प्रा.लि.को प्राविधिक सहयोग र छेतेन लामाको समन्वयमा उक्त सोलार विपन्न परिवारलाई सहयोग गरिएको हो ।
सोलार वितरण कार्यक्रममा लिमाटाङ गाउँमै पुगेर सिमकोट गाउँपालिका अध्यक्ष विजय भण्डारी (प्रतिरोध), प्रमुख जिल्ला अधिकारी श्रीनाथ पौडेल, वडा तीनका वडाध्यक्ष पामा लामा लगायत सहयोगी संस्थाका पदाधिकारीको उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच