नयाँदिल्ली । विपरीत दिशाबाट तीव्र वेगमा हुइँकिएको स्कुल बसले कारलाई ठक्कर दिँदा ६ जनाको मृत्यु भएको छ भने दुईजना गम्भीर घाइते भएका छन् । दुर्घटनामा दुईजना बालबालिकाको ज्यान गएको छ । दिल्ली-मीरुत द्रुतमार्गमा मंगलबार बिहान भएको उक्त दुर्घटनामा ६ जनाको घटनास्थलमा मृत्यु भएको हो । घाइतेको स्थानीय अस्पतालमा उपचार भइरहेको छ । बस चालकको लापरबाहीका कारण दुर्घटना भएको प्रहरीले बताएको छ । निजलाई नियन्त्रणमा लिइएको छ ।
यसैबीच, आन्द्र प्रदेशको डार्सीस्थित नहरमा यात्रुबाहक बस खस्दा एकजना सात वर्षीय बालकसहित सातजनाको मृत्यु भएको छ । बसमा यात्रारत ४० जनामध्ये १५ जना गम्भीर घाइते भएका छन् । उनीहरूको घटनास्थल नजिक अवस्थित अस्पतालमा उपचार भइरहेको छ । दुर्घटनाबारे जानकारी पाउने बित्तिकै प्रहरीको टोली घटनास्थलमा पुगेर उद्दारमा जुटेको थियो । दुर्घटनाको अनुसन्धान थालिएको छ । रासस/एएनआई
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच