काठमाडौं । ग्लोबल टी-२० क्यानडा क्रिकेट प्रतियोगिताको पहिलो खेलमा नेपाली क्रिकेट टोलीका सदस्य दीपेन्द्रसिंह ऐरी सम्मिलित मोन्टरिएल टाइगर्सले सन्दीप लामिछाने सम्मिलित सर्रे जागुअर्सलाई हराएको छ । दुवै सन्दीप र दीपेन्द्रले राम्रो प्रदर्शन गरेको खेलमा मोन्टरिएलले ५ विकेटको जित हासिल गरेको हो । पहिलो ब्याटिङको निम्तो पाएको सर्रेले २० ओभरमा ६ विकेट गुमाएर १३६ रनको योगफल खडा गरेको थियो ।
टोलीका लागि इफ्तिकार अहमदले ४४ बलमा ४० रन जोड्नुभएको थियो । त्यस्तै, ओमानका जतिन्दर सिंहले १५ बलमा २७ रन जोड्नुभयो । सकिब अल हसनले चार ओभरमा १८ रन खर्चेर तीन विकेट लिनुभयो ।
जवाफमा मोन्टरिएलले १८.३ ओभरमा पाँच विकेट गुमाएर लक्ष्य प्राप्त गर्यो । दिपेन्द्रले २२ बलमा दुई चौकासहित २८ रन जोड्नुभयो । दिलप्रित सिंहले ३१ बलमा एक छक्कासहित २८ रन नै जोड्नुभयो । उहाँ खेलको प्लेयर अफ द म्याच बन्नुभयो ।
त्यसअघि क्रिस लिनले १५ बलमा २२ रन र सकिब अल हसनले १३ बलमा २६ रन जोड्नुभयो । कार्लोस ब्रेथवेटले ६ बलमा दुई छक्कासहित नटआउट १४ रन जोड्नुभयो । सन्दीपले चार ओभरमा १७ रन खर्चेर २ विकेट लिनुभयो । उहाँले सकिब अल हसन र दीपेन्द्रको विकेट हात पार्नुभयो ।
दीपेन्द्र सम्मिलित मोन्टरिएलले आइतबार मिसिसौगा प्यान्थर्ससँग खेल्नेछ । सन्दीप सम्मिलित सर्रेले मध्यरातमा ब्राम्पटन वल्भ्सको सामना गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच