श्रीलंकाको मुद्रास्फीति १०.८ प्रतिशत

७ श्रावण २०८०, आइतबार ०४:४४

Read Time = 1 min

प्रिन्ट संस्करण

विदेश

A A- A+

कोलम्बो । श्रीलंकाको मुद्रास्फीति जुनमा घटेर १०.८ प्रतिशत कायम भएको छ । श्रीलंकाको राष्ट्रिय उपभोक्ता मूल्य सूचकांक (एनसिपिआई) मा आधारित मुद्रास्फीति मे महिनामा २२.१ प्रतिशत रहेको थियो । जुन महिनामा यसमा थप कमी आई १०.८ प्रतिशतमा झरेको जनगणना तथा तथ्यांक विभागले जनाएको छ ।

विभागका अनुसार खाद्य क्षेत्रको मुद्रास्फीति मे महिनामा १५.८ प्रतिशत रहेकोमा गत महिना घटेर २.५ प्रतिशतमा झरेको छ । गैर-खाद्य समूहको मुद्रास्फीति जुनमा २७.६ प्रतिशतबाट घटेर १८.३ प्रतिशतमा झरेको छ ।

गत वर्ष एनसिपिआईले ७३.७ प्रतिशतको मुद्रास्फीति रेकर्ड गरेको श्रीलंकाको मुद्रास्फीति सेप्टेम्बर २०२२ देखि निरन्तर घटिरहेको छ ।
श्रीलंकाको केन्द्रीय बैंकले सन् २०२३ सम्म पनि मुद्रास्फीतिमा गिरावट आउने अनुमान गरेको छ र सेप्टेम्बरसम्ममा विद्यमान उच्च मुद्रास्फीतिलाई एकल अंकमा झार्ने बताएको छ । रासस/सिन्हृवा ।

मुद्रास्फीति

श्रीलंका

यो खबर पढेर तपाईलाई कस्तो महसुस भयो ?