हैदराबाद । तेलुगु भाषाका प्रसिद्ध लोक गायक विठ्ठल राव ‘गदर’ को निधन भएको छ । उहाँको हैदराबादको एक निजी अस्पतालमा निधन भएको हो । गदर लामो समयदेखि वामपन्थी समर्थक हुनुहुन्थ्यो र आफ्ना गीतमा वाम आन्दोलनदेखि तेलंगाना आन्दोलनसम्म उल्लेख गर्ने गर्नुहुन्थ्यो । भारतीय कांग्रेस नेता राहुल गान्धी र तेलंगाना कांग्रेसले टवीट् गर्दै गदरलाई श्रद्धाञ्जलि अर्पण गर्नुभएको छ ।
गदरको वास्तविक नाम गुम्माडी विठ्ठल राव थियो, जसको जन्म सन् १९४९ मा मेडक जिल्लाको टोपरन नजिकै भएको थियो । दलित समुदायमा जन्मिनुभएका गदरले इन्जिनियरिङको अध्ययन गर्नुभएको थियो भने केही समय बैंकमा जागिर खाउनुभएको थियो । सन् १९८४ मा बैंकको जागिर छाडेर उहाँले जन नाट्य मण्डलीमा काम गर्नुभएको थियो ।
सन् १९९७ मा गदरलाई मार्ने प्रयास गरिएको थियो । २००९-२०१४ को तेलंगाना आन्दोलनको समयमा गदरको गीत ‘अम्मा तेलंगानामा’ ले धेरैलाई प्रेरित गरेको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच