सर्लाही । सर्लाहीको बरहथवामा बाढीले बगाएर एक जनाको मृत्यु भएको छ ।
रौतहटको गढिमाई नगरपालिकाबाट आज बिहान बरहथवास्थित हजरियातर्फ रहेको खेतमा काम गर्न आएका गढिमाई नगरपालिका–२ समनपुर निवासी ६६ वर्षीय सहिद राय भाटको बागमती नदीमा आएको बाढीले बगाएर मृत्यु भएको हो ।
सर्लाही र रौतहटको सीमा भए बग्ने बागमदी नदीको समनपुर घाटमा पक्की पुल भए पनि भिषण वर्षापछि पुलको दायाँबायाँ दुवैतर्फ बाढी पसेर जलमग्न बनेको छ । रायलाई खेतको काम सकेर पुलसम्म पुग्न खोज्दा सर्लाहीतर्फ बरहथवा नगरपालिका–४, मा बागमती नदीको बाढीले बगाएको प्रत्यक्षदर्शीले बताएका छन् ।
उहाँलाई बाढीले बगाइरहेको देखेपछि हजरियाका स्थानीयले उद्धार गरी सिकिस्त अवस्थामा रौतहटको समनपुरस्थित एक क्लिनिकमा पु¥याए । त्यहाँ उपचार हुन नसकेपछि चन्द्रनिगाहपुर अस्पताल पु¥याउँदा रायलाई चिकित्सकले मृत घोषणा गरेको इलाका प्रहरी कार्यालय बरहथवाले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच