बैतडी । बैतडीको पाटन विमानस्थलमा डेढ वर्षदेखि हवाई उडान बन्द रहेको छ । डेढ वर्षयता पाटन विमानस्थलमा व्यावसायिक उडान नहुँदा झन्डै १६ करोडका संरचनाहरु प्रयोगविहिन बनेका छन् । प्रत्येक बिहीबार पाटन–धनगढी उडान गर्दै आएको समिट एयरले २०७८ चैत १० गते अन्तिम उडान भरेको थियो । त्यसयता पाटन–धनगढी कुनै उडान हुन सकेको छैन । यात्रु अभावको कारण देखाउँदै उडान भर्न नसकीने यसअघि नै बताइसकेको छ ।
तीनवर्ष अघि परिक्षण उडान सफल भएपछि खुशी भएका स्थानीयहरु डेढ वर्षयता पाटन विमानस्थलमा जहाज नआउँदा करौडौका संचरनाहरु प्रयोग बनेका पाटन नगरपालिका–६ का स्थानीय उत्तम सिंह भण्डारीले बताउनुभयो । यहाँको आन्तरीक धार्मीक पर्यटन प्रर्वद्धन र व्यापार व्यवसाय फस्टाउने अपेक्षा भएपनि सञ्चालनमा आएको एक वर्षमै विमानस्थल बन्द हुँदा हवाई सेवा बञ्चित हुनुपरेको उहाँको जानकारी दिनुभयो ।
‘आर्थिक विकास अपेक्षा थियो । डेढ वर्षदेखी विमानस्थलमा जहाज आएको छैन् । सरकारले नियमीत हवाई सेवा सञ्चालनका लागि भुमीका खेल्नु जरुरी छ’, उहाँले भन्नुभयो ।
तीन वर्षअघि ११ करोड रुपियाँ खर्च गरेर २० मिटर चौडाइ र ५ सय ८० मिटर लम्बाई रहेको विमानस्थलको धावनमार्ग कालोपत्रे गरिएको थियो । त्यसपछि पाँच करोड खर्च गरेर टर्मिनल भवन निर्माणको काम समेत सम्पन्न भैसकेको छ । विमानस्थल सञ्चालनमा आएमा बैतडी संगै दार्चुलाका नागरीकहरुले सेवा पाउने भएपनि बन्द हवाई सेवा सञ्चालनका लागि कसैले चासो नदिएको पाटन नगरपालिका –९ का अर्का स्थानीय कृष्ण सिंह भाटले बताउनुभयो ।
‘पाटन नगरपालिका भित्र पनि थुपै्र पर्यटनको सम्भावना छ । जसले गर्दा यहाँको आर्थिक समृद्धि हुन्छ ।’ ,भाटले भन्नुभयो, ‘जतिसकिन्छ छिटो हवाई सेवा सञ्चालनमा ल्याउनु प¥यो ।’
नियमित उडान नहुने र भाडा पनि महँगो भएको हुनाले यात्रु पाउन मुस्किल हुने गरेका सेवाग्राहीको भनाइ छ । भाडा समायोजन गरी यात्रुहरूको सहजताका लागि नियमित उडान भर्नुपर्ने अर्का स्थानीय भागरथी भट्ट बताउनुहुन्छ । ‘१७ मिनेटको हवाई दूरीमा चार देखी पाँच हजार भाडा धेरै हो, समायोजन गरेर नियमित सञ्चालन गर्न सके सहज हुन्थ्यो, यात्रु पनि भेटिन्छन्,’ उहाँले भन्नुभयो ।
विमानस्थल सञ्चालनमा नआउँदा राज्यको लगानीको सदुपयोग भएको छैन् भने नागरीकले सेवा समेत पाउन सकेका छैनन् । जहाज नआउँदा विमानस्थलको धावनमार्गमा स्थानीयहरुले टिकटक समेत बनाउने गरेका छन् । नगरउपप्रमुख कमलसिह बोहराले हवाई उडान सेवा सञ्चालन गर्न नागरीक उड्डयन मन्त्रालयसंग समन्वय गरीरहेको बताउनुभयो । हवाई उडान बन्द हुँदा बैतडीबाट आकस्मिक रूपमा प्रदेश राजधानी धनगढी जाने यात्रु र बिरामी समस्यामा परेका बताउँदै उपप्रमुख बोहराले नेपाल एयरलाइन्सले नियमीत उडान भर्ने गरी समन्वय भैरहेको जानकारी दिनुभयो ।
द्वन्द्वकालका बेला विमानस्थलका संरचनामा आगजनी गरी ध्वस्त भएपछि २०५२ सालयता पूर्णरूपमा विमानस्थल बन्द रहेको थियो । २६ वर्षपछि २०७७ असोज १७ गते समिट एयरले नै परिक्षण उडान गरेको थियो । २०३६ सालदेखि २०५२ सालसम्म नियमित उडान हुने पाटन विमानस्थल द्वन्द्वका बेला बन्द भएको थियो । तर २६ वर्षपछि २०७७ सालबाट संचालनमा आए पनि यात्रु अभावको कारण देखाउँदै त्यसको एकवर्षपछि २०७८ चैत १० गतेयता व्यावसायिक उडान हुन सकेको छैन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच