पाल्पा । पाल्पाको माथागढी गाउँपालिका –२ सपाङ्दीस्थित बाँसटारी–झडेवा भित्री सडक खण्डमा ट्याक्टर दुर्घटना भएको छ । झडेवाबाट रुप्सेतर्फ आउँदै गरेको लु ४ त ६६३२ नम्बरको ग्याबिङ जाली बोकेको ट्याक्टर आज साँझ दुर्घटना भएको हो ।
दुर्घटना हुँदा ट्याक्टरमा सवार एक जनाको मृत्यु भएको छ भने अन्य पाँच जना घाइते भएका छन् । मृत्यु हुनेमा माथागढी –२ दोहोराका ३८ वर्षीय बेद प्रसाद भुषाल रहेको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो । उनको लुम्बिनी मेडिकल कलेज प्रभासमा उपचारको क्रममा मृत्यु भएको हो ।
यस्तै घाइते हुनेहरुमा माथागढी– २ का ३६ वर्षीय रीप बहादुर सारु, सोही ठाउँका ४४ वर्षीय गोविन्द बहादुर थापा, ३० वर्षीय नरध्वज सारू, २५ वर्षीय सरोज सारु र ३५ वर्षीय टोप बहादुर सारु रहेका छन् । उनीहरुको लुम्बिनी मेडीकल कलेज प्रभासमा उपचार भइरेहको प्रहरीले जनाएको छ । घाइते सबैको अवस्था मध्यम रहेको जनाइएको छ । ट्याक्टरमा सवार उनीहरु लेवर काम गर्दै आएको जिल्ला प्रहरी कार्यालयले जनाएको छ ।
ट्याक्टर आफै अनियन्त्रीत भई सडक छेउको पिल्लरमा ठक्कर खाई सडकमा पल्टिन पुगेको थियो घटनाकोथप अनुसन्धान भइरहेको जिल्ला प्रहरी कार्यालयका प्रवक्ता थापाले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच