काठमाडौं । नेपाल सुपर लिग (एनएसएल)को दोस्रो संस्करणमा नौ टोलीले सहभागिता जनाउने भएका छन् । पहिलो संस्करणमा सहभागिता जनाएको विराटनगर एफसीले नखेल्ने भएसँगै नौ टोलीले मात्रै खेल्ने भएका हुन् । प्रतियोगिताको आयोजक नेपाल स्पोट्र्स एण्ड इभेन्ट म्यानेजमेन्टका अनुसार पहिलो संस्करणमा सात टोली सहभागी रहेकोमा यसपटक १० टोलीले प्रतिस्पर्धा गर्ने भनिए पनि अन्तिममा विराटनगर सिटी एफसीले नखेल्ने जनाएको हो ।
एनएसएलमा साबिक विजेता काठमाडौं रेजर्स, उपविजेता धनगढी फुटबल क्लब, पोखरा थन्डर्स, बुटवल लुम्बिनी फुटबल क्लब, ललितपुर फुटबल क्लब र फुटबल क्लब चितवनसँगै नयाँ टोली झापा एफसी, स्पोर्टिङ इलाम डे मेची एफसी र वीरगञ्ज युनाइटेड एफसीले सहभागिता जनाउँदै छन् ।
एनएसएलले दोस्रो संस्करणका लागि यसअघि नै अक्सन गरे पनि अधिकांश खेलाडी पलायन भएकाले पुनः अक्सन हुने भएको छ । असोज १९ गते नयाँ टोली निर्माणका लागि अक्सन हुने भएको छ । यसका लागि आयोजकले असोज ५ गतेसम्म खेलाडी सूची फ्रेन्चाइज टोलीलाई उपलब्ध गराउने भनेको छ ।
यस्तै, आयोजकले प्रतियोगिताको खेल तालिकासमेत सार्वजनिक गरेको छ । जसअनुसार उद्घाटन खेलमा मंसिर ८ गते काठमाडौं रेजर्स र स्पोर्टिङ इलाम डे मेची भिड्नेछन् । खेल तालिकाअनुसार दोस्रो संस्करण ९ मंसिर देखि ९ पुससम्म सञ्चालन हुनेछ ।
पहिलो संस्करण कोभिड संक्रमणका कारण दशरथ रंगशालामा बिनादर्शकको उपस्थिति आयोजना भएको थियो । आयोजक एनएसइएमले यसपटक केही खेल उपत्यकाबाहिर गर्ने भने पनि आर्थिक अवस्थाका कारण सम्पूर्ण खेल दशरथ रंगशालामै हुने भएका छन् ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर