लण्डन । साबिक विजेता तथा उपाधिको प्रमुख दाबेदार इंग्ल्याण्डले आगामी महिना भारतमा हुने एकदिवसीय विश्वकप खेल्ने मजबुत टोली घोषणा गरेको छ । जस बटलरको कप्तानीमा इंग्ल्याण्डले विश्वकप टोली घोषणा गरेको हो । इंग्ल्याण्डले २०१९ मा विश्वकप उपाधि जितेका नौ खेलाडीलाई भारतमा हुने विश्वकपका लागि निरन्तरता दिएको छ । तीव्र गतिका बलर रिस टोप्ली, हृयारी ब्रुक, लियाम लिभिङस्टोन, डेविड मलान, साम करन र गस एटिकिन्सनबाहेक अन्य सबै खेलाडीले २०१९ को विश्वकप खेलेका थिए ।
बेन स्टोक्सले यसै वर्षको सुरुवातमा ओडिआई क्रिकेटबाट सन्न्यास लिनुभए पनि उहाँलाई फिर्ता बोलाइएको छ । टोलीमा जस बटलर, जोनी बेयरस्टो, जो रुट, बेन स्टोक्स र डेविड मलान जस्ता ब्याटर हुनुहुन्छ । अलराउण्डर साम करन, मोइन अली, लिभिङस्टोन हुनुहुन्छ । यस्तै, स्पिनरमा मोइन अली र आदिल राशिद तथा मार्क वुड, क्रिस बोक्स, रिस टोप्ली, गस एटकिन्सनले तीव्र गतिका बलरको भूमिका निर्वाह गर्नुहुनेछ ।
इंग्ल्याण्डले अक्टोबर ५ मा न्युजिल्याण्डसँग खेल्दै विश्वकपमा सुरुवात गर्नेछ । २०१९ को विश्वकपको सुपर ओभर पनि टाई भएपछि इंग्ल्याण्डले बढी चौका र छक्का प्रहार गरेका आधारमा विश्वकप जितेको थियो । चोटका कारण २०१९ का विश्वकपका हिरो जोफ्रा आर्चर भने टोलीमा हुनुहुन्न ।
इंग्ल्याण्डको घोषित टोलीमा जस बटलर (कप्तान), मोइन अली, गस एटकिन्सन, जोनी बेयरस्टो, हृयारी बु्रक, साम करन, लियाम लिभिङस्टोन, डेविड मलान, आदिल राशिद, जो रुट, बेन स्टोक्स, रिस टोप्ली, डेविड विल्ली, मार्क वुड र क्रिस बोक्स हुनुहुन्छ । एजेन्सी ।
Like
Love
Happy
Surprised
Sad
Excited
Angry
रसुवा बाढीका ३४१ बिरामीमध्ये २७८
उदितनारायणको परिवारद्वारा विपद् कोषमा पाँच
अस्पतालको गेटमै प्रसूति गराउने बवितालाई
सेमन्तको मुक्तक संग्रह‘अँधेरीमा जून’ प्रकाशन
‘देहूडु : अलौकिक ऊर्जा’ प्रकाशित
म्यानचेस्टर डर्बीमा सिटीको विवादास्पद जित