कालीकोट । कालीकोटको पचालझरना गाउँपालिकामा बाख्रा चराउन गएकी ५९ वर्षीया एक वृद्वाको भीरबाट लडेर मृत्यु भएको छ ।
पचालझरना गाउँपालिका वडा नम्बर-४ राम्नाकोट निवासी रतना रोेकायाको बिहीबार मध्यान्हको समयमा भीरबाट लडेर मृत्यु भएको हो ।
घर नजिकैको बनमा बाख्रा चराउन गएको बेला दिउँसो १२ बजे भीरबाट लडेर रोकायाको मृत्यु भएको वडा नम्बर ४ का वडा अध्यक्ष अनरुप रोकायाले जानकारी दिनुभयो ।
‘उहाँ घर नजिकैको बनमा बाख्रा चराउन जानु भएको थियो करीब १२ बजे तीर २ सय मिटर तल खसेर उहाँको मृत्यु भइसकेको रहेछ,’ ‘वडा अध्यक्ष रोकायाले भन्नुभयो,’ ‘घर परिवार र गाँउमा साँझ परेका बेला मात्रै थाहा भयो ।’
वडा अध्यक्ष रोकायाका अनुसार मृतक रोकायाको आज शुक्रबार दाहसंस्कार गर्ने तयारी गरिएको छ । कालीकोटमा भीरबाट लडेर बर्सेनि ४०-४५ जनाले ज्यान गुमाउने गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच