काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेनले सार्वजनिक लेखा समितिले लेखापरीक्षण गर्नेहरु वित्तीय अनुशासनमा भए/नभएको विषयमा छानबिन गर्न आवश्यक रहेको बताउनुभएको छ ।
मंगलवार प्रतिनिधि सभा अन्तर्गतको सार्वजनिक लेखा समिति बैठकमा बोल्दै अध्यक्ष लिङदेनले यस्तो बताउनुभएको हो । उहाँले महालेखा परीक्षकहरुले अंकमा बेरुजु देखाउने मात्रै नभएर जवाफदेही बनाउनुपर्ने बताउनु भयो ।
अध्यक्ष लिङदेनले हरेक वर्ष उच्च रुपमा बेरुजु बढ्नुको प्रमुख कारण समेत महालेखापरीक्षकले छुट्याउन आवश्यक रहेको बताउनु भयो । उहाँले बेरुजुको आधा हिंसा भन्दा बढी देशको अर्थतन्त्रालय र भौतिक पूर्वाधार मन्त्रालयय अन्तर्गत हुने कारण देशको ऐन कानून वा नेतृत्व बारेमा महालेखापरीक्षकको दृष्टिकोण प्रष्ट हुन आवश्यक रहेको बताउनु भयो ।
उहाँले भन्नुभयो,‘वर्षैपिच्छे बेरुजु बढ्दै जानुपर्ने कारण के हो । त्यसमा पनि बेरुजुको आधा हिंसा भन्दा बढी देशको अर्थतन्त्र र भौतिक पूर्वाधार मन्त्रालयय अन्तरर्गत हुने कारण महालेखापरीक्षकको दृष्टिकोणमा देशको ऐन कानून वा नेतृत्वको कारण छ । यस्ता कुराहरु आउनुपर्छ । बेरुजुसँग कोही न कोही जोडिनुपर्छ । कसको कार्यकालमा भएको हो जवाफदेही को हुनुपर्छ । महालेखा परीक्षकले देखाई दिएर मात्रै पुग्ने तर बेरुजुको जिम्मेवारहरु माथिल्लो निकायमा जानेर अर्कोले पनि बेरुजु थप्दै थप्दै जाने हो । हामीले अंक मात्रै देखाइदिने हो जवाफदेही बनाउन के कुराले रोक्यो । एक वर्षको बेरुजु अर्को वर्ष फस्स्र्यौट नभए को जिम्मेवारी हुने र के कुराबाट वञ्चित हुने हो भन्ने कुरा राम्रो हुन्छ । लेखापरीक्षण वित्तीय अनुशासन कायम गर्नको लागि गरिन्छ भन्छौं । लेखापरीक्षण गर्नेहरु नै कतिको वित्तीय अनुशासनमा छन् । लेखापरीक्षण गर्न जानेहरु रकम लिएर काम गर्ने कुराहरु आएका छन् । यो विषयमा पनि ध्यान पुग्न सक्नुपर्छ ।’
अध्यक्ष लिङदेनले महालेखाले बेरुजु देखाउने तर जवाफदेही व्यक्ति माथिल्लो निकायमा गएर थप बेरुजु थप्दै जान दिनु नहुने बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच