काठमाडौं । मेरो भ्वाइस युनिभर्स र मेरो डान्स युनिभर्सको सफलतापछि इन्ट्रा नेसनल वेलफेयर एण्ड स्पोर्ट फाउण्डेसन अफ अमेरिकाले न्युयोर्कको रोचेस्टरमा हालै वार्षिक इन्ट्रा कप २०२३, सक्कर र भलिबल टुर्नामेन्ट आयोजना गरेको छ । फाउण्डेसनका अध्यक्ष दिल्ली अधिकारीले भन्नुभयो, ‘खेलकुदमा सहभागिता प्रवद्र्धन गर्दै समुदायमाझ स्पोर्ट्सम्यानसिपलाई बढावा दिनु इन्ट्रा कप २०२३ को प्रमुख उद्देश्य हो, खेलकुद टिमवर्क, सहकार्य र टिम स्पिरिटजस्ता महत्वपूर्ण मूल्य मान्यतालाई बढावा दिने एक प्रमुख माध्यम हो ।’ खेलमार्फत् नेपालीहरूलाई एकताको सूत्रमा बाँध्नु र सहकार्यलाई बढावा दिँदै नेपाली भाषाको प्रवद्र्धनसमेत कार्यक्रमको उद्देश्य भएको उहाँको भनाइ छ ।
आयोजकका अनुसार तेस्रो इन्ट्रा कप सक्कर टुर्नामेन्ट २०२३ मा पुरुषतर्फका विजेता टिमलाई स्क्वाडले १५ हजार अमेरिकी डलर नगद पुरस्कार प्रदान गरेको छ भने महिलातर्फको विजेता साइनिङ स्टार्सले १० हजार अमेरिकी डलर नगद प्राप्त गरेको छ । तेस्रो इन्ट्रा कप इन्टरस्टेट सक्कर टुर्नामेन्ट २०२३ भेट्रान उपाधि लगातार दोस्रो वर्ष पनि सिन्सी इन्ट्रा एफसीले जितेको छ । जितसँंगै १० हजार अमेरिकी डलर नगद पुरस्कार हात पारेको छ ।
तेस्रो इन्ट्रा कप भलिबल टुर्नामेन्ट महिला उपाधि बेलमोन्टले जितेर आठ हजार अमेरिकी डलर प्राप्त गरेको छ भने पुरुषतर्फको उपाधि रुकुम ‘ए’ले जित्दै १० हजार अमेरिकी डलर नगद पुरस्कार प्राप्त गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच