काठमाडौं । एभरेष्ट बैंकको अगुवाइमा कजरिया रमेश टायल्स लिमिटेडमा लगानीका लागि सहवित्तीयकरणअन्तर्गत सहभागी बैंकबीच वित्तीय सहजीकरण कार्य सम्पन्न भएको छ । अगुवा बैंकका तर्फबाट एभरेष्ट बैंकका प्रमुख कार्यकारी अधिकृत सुदेश खालिङ तथा रमेश क्रपतर्फबाट कम्पनीका उपाध्यक्ष रोहित गुप्ताले एक समारोहबीच सम्झौतापत्रमा हस्ताक्षर गर्नुभएको हो ।
कार्यक्रममा सह-वित्तीयकरणका अन्य सदस्य बैंक नबिल बैंक, नेपाल एसबिआई बैंक र प्रभु बैंकका प्रतिनिधिको पनि उपस्थिति रहेको थियो । नेपाललाई टायल्स उत्पादनमा आत्मनिर्भर बनाउने उद्देश्यका साथ नवलपरासीमा रहेको प्लान्टबाट उत्पादन हुने टायल्सको कुल लागत चार अर्बमध्ये सह-वित्तीयकरणअन्तर्गत तीन अर्ब लगानी रहनेछ ।
विश्वको सातौँ ठूलो टायल्स उत्पादन कम्पनी कजरिया सेरामिक्स, भारतको संयुक्त लगानी रहेको कजरिया रमेश टायल्सले नेपालमा आधुनिक उपकरण प्रयोग गरी गुणस्तरीय टायल्स तथा सेरामिक्सका अन्य उत्पादन अन्तर्राष्ट्रिय मापदण्डबमोजिम हुुने जनाएको छ । मार्च २०२४ देखि सुरु हुने परियोजनाले देशमा हुने टायल्सको माग पूरा गरी आयात प्रतिस्थापन गर्ने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच