काठमाडौं । श्रीलंकामा आयोजना हुने काभा पुरुष भलिबल च्याम्पियनसिप २०२३ मा प्रतिस्पर्धा गर्न जाने नेपाली पुरष भलिबल टोलीलाई राष्ट्रिय खेलकुद परिषद्का निमित्त सदस्यसचिव प्रकाशकुमार कुसारीले शुक्रबार बिदाइ गर्नुभयो । च्याम्पियनसिप अशोज २२ देखि २८ गतेसम्म आयोजना हुनेछ ।
नक्सालस्थित क्राउन प्लाजामा आयोजित कार्यक्रममा निमित्त सदस्य सचिव कुसारीले नेपाली खेलाडीहरूको खेलस्तर उच्चस्तरको रहेको भन्दै प्रतियोगिता जितेर आउनका लागि शुभकामना दिनुभयो ।
उहाँले खेलाडीहरूको खेलस्तरमा निकै नै वृद्धि भएको भन्दै प्रतियोगितामा सफलता हात पार्नेमा आफू विश्वस्त रहेको र खेलाडीलाई विमानस्थलमा भव्य स्वागत गर्न आतुर रहेको बताउनुभयो । यस्तै उहाँले राष्ट्रिय खेलकुद परिषद् नेपालको राष्ट्रिय खेल भलिबलको विकासमा सदा दत्तचित्त रहेर अगाडि बढेको बताउनुभयो ।
बिदाइ कार्यक्रमका दौरान नेपाली भलिबलको खेलस्तर अभिवृद्धि गर्न पु¥याएको योगदानको कदर गर्दै नेपाली टिमका हेड कोच हान आविङ्गलाई प्रशंसापत्र प्रदान गरिएको थियो । आविंग अन्तर्राष्ट्रिय भलिबल महासंघको सहयोगमा नेपाली टोलीको प्रशिक्षणका लागि नेपालमा रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच